車仔麵之家 (已結業)

本人從未寫過食評，但因為呢間野的差服務及難食而特登開戶口，為免其他食客中招!首先，門口收銀個阿嬸，聲大夾惡無禮貌! 我們叫左2碗車仔麵，是要魚旦的，她大聲無禮貌:「乜魚旦呀?」，（阿嬸，你地餐牌淨係寫魚旦，乜有好多種魚旦?!)，我地問佢：「即係點?」，阿嬸說:「辣定唔辣呀！」，我們说:「唔辣」，阿嬸好唔耐煩说:「我唔知你邊碗辣，邊碗唔辣喎!」跟住，我們話要一罐汽水，阿嬸粗聲粗氣:「乜汽水呀?」，我地話比左錢先再去雪櫃自取，阿嬸話「唔得喎!你揀左先!」，我們說「忌廉」，阿嬸無禮貌地說:「你自己去拿!」。我唔知個收銀阿嬸是否老闆娘，不過就算佢係，今時今日仲擺出一副唔憂做的姿態，粗聲粗氣，聲大夾惡無禮貌，真係倒米!再評論呢間店的車仔麵，以往都有食過都0K，但現在的水準只能用「不知所謂」來形容! 一之記之曰: 「咸」! 仲要咸到近乎苦的味道，超恐怖! 一句講曬: 「永無下次」!