影片
港铁湾仔站 B2 出口, 步行约5分钟
继续阅读
开饭介绍
驰名车仔面店的第二分店，其浓郁汤底在区内闻名，另外可试试这里的秘制酸斋和酿豆卜。
继续阅读
营业时间
星期一至六
08:00 - 20:00
星期日
全日休息
公众假期
全日休息
以上资料只供参考，请与餐厅确认详情
相关文章
车仔面好好食。 坐喺门前收钱嘅阿姐 very nice. 我叫左一个油面梅牛腩牛肚猪红咖喱鱿鱼。 我太太叫咗个墨鱼丸鸡翼鱼蛋油面。 我哋两个都食得好开心。 不过如果可能就等到过咗两点先至嚟因为少啲人
继续阅读
位于湾仔春园街，我已经来过几次吃午餐，不论外卖和堂食都快靓正的喔，入到店内，姨姨会叫你先下单，叫完大概5-10分钟就有，店铺小而舒适，而且位置方便，邻近合和和利东街。而且面可以选择大小，一般女生要小份量就很足够。车仔面必须配油面，另外可以选择辣度，我叫了小辣不是很辣，是小小一pat辣酱在旁边。听说酸斋很出名但忘记了叫哈哈，叫了猪红、萝卜和墨鱼卷，猪红入味新鲜可以再叫，墨鱼卷有点太咸而且咬口一般，萝卜甜而没有渣。
继续阅读
去开湾仔附近番工,午饭时间周围都好多人,咁岩想食车仔面㖞,就行去食车仔面之家。门口人龙唔长,大约排左5分钟左右就比钱买野食,落单之后又坐左一阵,听到姐姐叫号,就去拎一碗热辣辣既车仔面今次叫左我个人至爱既组合,就系红肠+猪皮+咖喱鱿鱼+鸡翼配油面,都系50几蚊炸！红肠红肠唔系就咁煮熟放入面,而系油炸过既,香脆又可口。猪皮本身以为佢浸汤之后会好淋,但食落去竟然都keep到爽口,有惊喜咖喱鱿鱼呢个值得一赞,佢地用左秘制咖喱酱汁配合好有咬口既新鲜鱿鱼,岩哂本人口味,简直将成碗面升华至另一层次鸡翼不过不失啦,用左卤水汁炆过,算系入味既！汤底呢家店既汤底十分之出色,当然同拉面果d汤底冇得比啦,但我认为佢个汤真系够浓味同埋唔算好油,啱晒我个人口味总之,呢家神级车仔面绝对不容小觑,可以一试再试！
继续阅读
湾仔嘅美食真系太多！要拣湾仔必食之店，车仔面之家会系我推介嘅其中一间。原因好简单 - 车仔面嘅𩠌款式多选择，价钱亲民又好味而且份量多，店舖位于春园街好方便，店员有礼貌。中午时分就算排长龙都会好快食倒！因为先排队买食物，然后至揾位，坐底左一阵等叫number, 过程好smooth，简直快靓正！提一提大家，假日同公众假期唔开！我最爱就系酸斋同咖喱鱿鱼！推介👍👍👍🍜🍢🌶4𩠌车仔面 $47 （炸墨鱼腐皮卷，鱼旦，萝卜，蚝油斋 ，油面）中辣 ： 点餐时一心挂住萝卜同蚝油斋，忘记了我的最爱咖喱鱿鱼，唉！后悔莫及 ！唯有留返下次再黎食！天气凉凉地所以点了中辣！我个人最喜欢车仔面配油面，因为车仔𩠌咁多，慢慢食又唔会咁快涨哂！萝卜超甜， 蚝油斋未浸汤可以脆食，浸满辣汤又超入味！必点！鱼旦好有口感！炸墨鱼腐皮卷普通，如果可以换返咖喱鱿鱼就完美！中辣真系好辣！🍜 🥓🌶5车仔面 $58 （猪大肠，甜酸斋，猪红，红肠，鱼皮饺，米粉）小辣 老伴拣嘅甜酸斋酸酸地又脆十分开胃，唔会好干啱啱好，必食！猪大肠好入味，猪红比较林身同好香，由于点了小辣会食倒个汤头都好好味！下次再黎！
继续阅读
黎开湾仔呢头做嘢，当然要揾下嘢食啦，师傅一支公加上仲写紧关于车仔面嘅食评，好自然就会谂下呢一区到底有边间车仔面可以食。之前试过一次明明，但就觉得普普通通，所以冇再去。再谂下有边一间，忽然间醒起呢一间食店，讲紧话以前好出名，立食都劲多人去，但师傅从来都唔钟意立食，所以当佢有舖头可以坐低食之后，先有去帮衬。但系上次去嘅印象然系普通，不过既然讲得写车仔面嘅食评 ，咁呢一间食店当然唔可以唔写，于是乎就出发去呢间食店开餐。黎到食店，入到去冇乜人，跟住望下个餐牌，有一个姐姐喺门口附近，就收银飞落单。望一望有乜好食，谂咗一阵师傅决定今次食油面，𩠌都柯打左几多，分别有猪红，猪皮，猪肠，牛腩，咖哩鱿鱼同埋炸墨鱼腐皮卷，再加上中辣，比完钱攞咗张飞仔，就等另一个姐姐煮面同分𩠌。等咗唔使好耐，好快就可以自己攞番碗车仔面返埋位食，第一时间当然试下个汤底啦，汤底都几香甜，味道几浓，入口唔算咸，感觉都唔错，再将佢个辣酱捞匀喺个汤底，香香辣辣，都几惹味，汤底著实真的不错。于是乎再试一口咖哩鱿鱼，唔食尤自可，一食真系有啲火，咖哩鱿鱼冰冰冻冻，完全唔暖，好明显就系煮咗好耐，一大盘摆左喺度，暖都唔暖住佢，冰冻嘅口感令师傅真系冇乜瘾， 加上鱿鱼都几硬口，唔算爽身，系要几用力去咬，咖哩又唔香，唔得。再试下猪红，猪红都几滑身，不过都系卤得唔够入味，口感可以但味道一般，普通。猪皮真系炆得好入味，不过就太腍，完全冇爽口嘅口感，如果要爽得黎又入味，应该真系好难做到。牛腩属于碎腩，碎湿湿咁，入口普普通通，但胜在炆得腍同唔鞋口，正常货色。猪肠又系另一败笔之作，完全炆唔腍，佢系𠮶种好爽口韧身嘅猪肠，呢种口感绝对唔得，大胆啲讲嘥左条猪肠。最后炸墨鱼腐皮卷，入口墨鱼几香，有墨鱼粒喺里面，爽口弹下，反而师傅觉得呢个系咁多个最好食的。油面都算唔错，面身香但又唔算好油，但系会有一种好想继续食嘅冲动，所以油面都偏好。总括黎讲食物水准比预期中差，真系唔知系师傅要求高，定系食店嘅水准越做越曳，环境都舒，服清洁干净，但价钱一啲都唔平，六𩠌一面，埋单72蚊，款款都唔同价钱，有啲都算贵，特别系个猪肠同埋鱿鱼，卖到12蚊一份，但系完全唔值呢个价位，师傅相当失望 ，成碗车仔面唯一可取嘅就系份量好多，即系话可以食得你饱，但系味道唔算好，唔喊都算俾足面啦，再来机会真系不大。
继续阅读