新華苑酒家

营业中

休息中

呢個蒸氣海鮮餐除左有海鮮之外，仲有一般打邊爐常見嘅食物，無諗過火鍋配料都有得蒸喎。個餐包埋乳鴿，好驚喜，超好味呀，新鮮燒好，皮好脆，又多汁，必食。店員會幫我地逐樣計時蒸，有人服侍真係好。整體啲海鮮都幾新鮮，黎到仲郁緊。貝殼拼盤，蜆肉夠肥同鮮味，但有少少沙。鮑魚軟硬適中，仲有蟲草點綴。貴妃蚌同蟶子竟然有蒜蓉粉絲底，好惹味！第一次蒸肥牛，本身嘅油分停留左喺塊肉度，入口唔dry, 呢個新食法幾正！蟲草花蒸雞好嫩滑！連水餃同丸類都有得蒸，食完健康哂！最後就食埋底下個粥，有啲失望，比較淡味。食完粥再蒸多舊馬拉糕就走人。