新華苑酒家

當晚禮拜日10個人散點嗌左12道菜其中孖寶嗌左兩份:龍蝦伊麵+炸子雞,  蒸青斑+燒鵝魚算新鮮,蒸既時間控制得宜,夠滑雞肉亦唔柴,有汁本來想嗌返個湯,點知主任話乜湯都賣晒跟住想嗌個椒鹽九肚魚,都係無,,有d可惜好在個粉絲蟹煲唔錯,挽回唔少分數環境同一般傳統酒樓差唔多,有屏風間出雀區樓面伙記唔算多,但而家既經濟市道算係咁清晒檯後,送每人有碗紫米露,,主任上埋碟叉俾我地分蛋糕招呼算幾好地理位置遠離旺角食肆重心一級戰區,,以人均消費黎講,ok唔貴…Read More

細細間街坊酒樓下午茶時間都多人～附近長者多香煎蘿蔔糕3件厚切～有臘腸粒、蝦米～煎得幾香口流沙煎堆仔脆口唔會好油鳯爪有5大隻好味～底下少量花生粒咸水角料唔多～唔會炸得好乾～幾好食生菜細細碟配甜豉油～份量少黃黃地～唔抵食鮮竹卷薄薄一層腐竹皮～料多汁適量～芡汁薄薄一層唔會咸潮州粉果皮偏厚～韮菜、花生都多好香口:)牛肉球3大粒有馬蹄粒配酸醋開胃鯪魚球多胡椒粉～又係大大粒正常味衞生麻麻～洗手間好污糟～茶唔好飲～不過點心味道正宗～份量足～淨係計$257有10樣點心算係咁…Read More

今天想喝茶也因為知道自己今日只有時間吃這一餐所以點了更多的食物以往只點四款今天點了六款糕點是不錯的食物質表很好也有特別的點心健康之選也在甜點中找到雜縠糕這個在下還滿喜歡的口感像糕點 香氣口味像麵包有雜縠的成份又不會鞋口最緊要是甜度很好完成了首次點的四種餐點後看還有時間所以再加點飯和一碟菜這裡要大讚這段時間裡唯一的服務員看枱枱都在找她而她也依然好好耐性和禮貌地介紹講解因為在下坐著這枱只有一張點心紙直接錯過了很多食物和優惠食品但很感謝服務員的一一指點這篇文章主要是想加許服務員令全場都更有親和的氣氛所以食物正正常常的就不多說環境也是不錯的而在下是太幸運找到個超冷風口位坐著大概氣溫比外面的17度更要冷..食物和茶也冷得很快😅下次要記得多帶件厚外套或是找別的位置..…Read More

見到好似好多好評，但未上樓已經聞到一大陣煙味，上到樓幾乎每枱都有人食煙，同部長講過幾次，佢話應該係後樓梯有人食煙，但明明每枱都見到有人食，都咁答，睇嚟都好冇誠意。同經理講，講完第一次，改善左幾分鐘，然後再傳來一大陣煙味，睇嚟呢間酒樓淨係做煙民生意，非吸煙可以唔駛去。…Read More

第一次黎呢度飲茶,竟然有驚喜環境闊落,冷氣足夠:)點左鳳爪排骨飯,啲飯竟然軟身得黎好有口感仲有蠔皇叉燒包好好食仲有其他點心都好好性價比高,兩人叫左8碟野,都埋單$150抵食！下次再黎…Read More

蒸氣鍋簡直就係愛海鮮之人首選，清蒸海鮮可以食盡其鮮之味，精華又會跌落下面粥底，最後時間食番一碗唔使落調味料既粥，真係滋味無窮。已經食過幾間蒸氣鍋餐廳，有一些店鋪會用套餐出售，海鮮的確好新鮮，但量始終不多，雖然飽肚，但個粥底唔夠多精華，有點乏味。今日呢間餐廳黎個半任飲任食既蒸氣鍋，簡直滿足了我所有對蒸氣鍋既要求！選好粥底，呢度每位有4款自選海鮮，我愛呢個安排，因為任食海鮮既話，海鮮既質素一定會冇咁好。我地叫左鮑魚、桶蠔、大元貝和象柭蚌仔。新鮮，大隻，冇多餘調味，只有薑蔥去腥。全程有侍應幫手蒸唔同的海鮮，會因不同食材有不同既蒸騰時間，蒸完岩岩好唔會老，貼心，好味！其次有不同食材任點任食，有肉丸有雞有蔬菜，可以大吃特吃，比多d精華流落粥底！除左蒸氣鍋，呢度仲有二選一既熟食，因為有好多海鮮，我地選擇了燒乳鴿，真係抵食！飲品都係任飲，有汽水啤酒仲有一喳喳特色飲品，質素什高！平日268一位，可以包咁多野食，我覺得真係超值！！…Read More

不錯的蒸海鮮酒家😂近排周圍環境不好，都少左出行搵食，今日同老婆👱🏻‍♀️出MK街，行到太子附近搵下有咩食，老婆想海鮮🦞，上網搵下，就決定 try try e間蒸海鮮上到去環境不錯，我地叫左蒸海鮮套餐食，一來整左個粥底先，之後上左乳鴿（每人半隻份量），隻乳鴿很不錯👍🏻幾好食，食完就姐姐開始幫我地蒸海鮮D 海鮮相當新鮮，姐姐服務很不錯，見我地食唔切，會等等我地先，見我地差不多，就開始蒸定下輪海鮮比我地食。食曬海鮮之後，食豬頸肉，佢D豬頸肉很不錯，叫左兩輪食，之後食曬個粥，好飽咁走，好滿足 …Read More

幾位好友從美國回歸探我，當然要同好友吃飲一番，她們最愛食蒸氣海鮮餐，上網尋找那裡有美味的蒸氣海鮮餐去品嚐，發現旺角有一間特色蒸氣海鮮餐「新華苑酒家」，座落於旺角旺角道，地理環境尚算方便，是一個談天說地的好地方。  地點位於1樓全層，佔地面積很大，感覺舒服開揚，充滿格調，適合與姊妹前來共渡開心浪漫的一個晚上。  店內空間感很好，人多也不感覺侷促，環境整齊優美，舒適很寫意，乾淨整潔，氣氛輕鬆。新華苑酒家任飲任食2.5小時，每天都有火鍋提供。  餐單分門別類，十分有心思的設計，詳細介紹店中的美食，食品的種類都很多，食物質素良好，上菜速度頗快，享受火鍋的滿足滋味。  每位可以自選海鮮4款，我們選擇蝗子皇、鮮鮑魚、海蝦及龍躉件。4款海鮮非常鮮甜爽口，原味多汁，鮮嫩剔透，口感細膩，肉質很爽滑鮮甜，彈牙之餘有咬口，味道恰到好處，滋味無比，令人唾涎三尺。 另外，定食是脆皮燒乳鴿，燒乳鴿皮很脆，煙靱有咬口，同一般食到的不同，單單看樣子已經令人唾涎，讓人回味無窮。  其他選擇了手打豬肉丸、自製鯪魚球、自製韭菜餃等，保持新鮮結實，肉質甜美，香滑煙靱彈牙，層次變得更是分明，非常滋味，值得推介。  蔬菜方面多款式，我們選擇了秋茄、南瓜、蓮藕等，南瓜特別芳香味美，秋茄及蓮藕也不錯，蔬菜多吃都不妨。  甜品方面，可以選擇馬拉糕、蜂巢糕及紅棗糕，精美的甜品，賣相十分佳，最愛食蜂巢糕感到鮮甜，可消滯的甜品，微甜間沖淡肉類的油膩感。  最後的必食粥底，選擇淮山雞粥，雞粥好入味，味道非常濃厚，入口清甜，滿載的味道清新，幾好食。新華苑酒家（旺角） 地址：旺角旺角道1號旺角道壹號商業中心1樓…Read More

今日同朋友去左旺角行街，朋友話好想食海鮮蒸氣鍋，咁我地即係就搵到旺角道一號呢間新華苑，有得食蒸氣海鮮粥底鍋 可任飲任食放題 2.5小時睇下menu 我地先揀自選粥底：瑤柱鮮淮山粥海鮮八款入面揀四樣：元貝、貴妃蚌、鮑魚同蟶子元貝，勁量蒜蓉加埋粉絲放底, 索晒啲蒜蓉汁 正呀！貴妃蚌大大隻 超鮮味鮑魚上到黎仲郁架！！蟶子同樣鮮味，好質爽甜再黎就有每位半隻乳鴿同埋一盤蜆 乳鴿好香 而且蜆呢完全無沙很好跟住就到任食環節， 肉有齊牛，雞同豬；再有好多蔬菜類同中式甜品和牛粒同和牛肉片係回本必叫item 牛肉肉質好滑，好似滑牛粥啲肉咁！再試蒸雞，雞肉好滑好好踩跟住再試埋蝦丸，有口感幾彈牙, 足料韮菜餃餡料飽滿，韮菜香口～～食左咁多肉 就梗係要食啲菜啦，我地叫埋雜菜籃，就已經好飽了最後就係煮粥，粥底加埋之前既海鮮同肉汁精華，再加埋冬菜粒 食完成個身暖晒！…Read More

天氣好似開始轉涼，我地今日走左旺角街頭竟有空虛的冷凍感.... 好吧，一致同意要去食個蒸氣鍋暖暖身啦！新華苑喺旺角道一號，有蒸氣海鮮粥底鍋，同時又有晚市小菜小炒，仲有好多特價海鮮，都幾抵食架蒸氣海鮮任飲任食放題，食足 2.5小時~~~自選粥底: 揀左瑤柱鮮淮山粥海鮮有 8 款揀，最後我地選左呢四款海鮮: 元貝、鮑魚、蟶子同貴妃蚌果然海鮮每款都很鮮甜成個過程都有專人代勞, 每放一樣野都有計時器計時間，叮叮! 就會有專人為你送上，HAHA 感覺好高端~~元貝: 本身已好鮮甜，再加埋蒜蓉同粉絲放底，粉絲吸晒啲蒜蓉汁，超正~鮑魚: 蒸起脤卜卜，入口超彈牙蟶子: 同樣鮮味，size 好大一隻，加埋蒜蓉, 十級惹味貴妃蚌: 又係鮮味十足，令人一再回味~~~~之後，再有乳鴿 (每位半隻)+一盤小蜆再到任食環節， 肉有齊牛，雞同豬；丸類款式就唔太多。另外再有大量蔬菜同中式甜品我同朋友都係牛肉控，和牛粒同和牛肉片一定列入狂叫之列: 酒樓可能加左鬆肉粉去醃，肉質好滑，而且牛肉亦肥瘦適中不錯不錯再試試蒸雞，呃用蒸氣鍋，雞肉感覺真係滑溜好多～～跟住再試埋蝦丸，有口感幾彈牙, 足料韮菜餃餡料飽滿，韮菜香口～～最後叫埋雜菜籃，任食環節就好夠了 跟住直入最終回，就係一早落左去既生米已經煮成熟粥，粥底超綿滑，再加埋之前既海鮮同肉汁精華，味道一流…Read More

今晚happy friday 收工約埋老公食蒸氣海鮮火鍋，對於我呢位海鮮愛號者泥講食海鮮最最最緊要係新鮮。呢間酒家晚市除左有小菜，仲會推出蒸氣海鮮火鍋。菜單一目了然，任飲任食星期五至日做緊$288/1位（未計醬油、茶水加一）粥底有3款可選擇，我地選左准山瑤柱，比較養生有成隻乳鴿送上，即叫即炸，熱辣辣自選海鮮每人可選擇4款，我同老公都選同款，先泥大大件龍躉同鮑魚，新鮮程度真係滿分貴妃妦同聖子王其他配料，亦很新鮮最後尾聲食埋集結所有精華既養生粥真係爆肚咁行出門口…Read More

黎到旺角想食下海鮮邊爐，但又覺得單點又太貴，所以黎到呢間叫新華苑既海鮮火鍋試下佢。環境方面傳統既酒樓裝修格局喇，大量大圓枱，夠曬一班人黎吹水打邊爐，都算乾淨企理既，亦有唔少for 火鍋既竹蓋設備。食物方面首先，最好味既就一定係佢個海鮮set，有得擇幾2款海鮮，本人覺得佢個聖子就最好味，雖然得一舊，但斤量十足，夠厚肉鮮味，唔識整既朋友都唔緊要，因為全程都有職員貼心服務，只需要識食就搞掂。可以避免新手唔識火候同時間，蒸到d海鮮老曬就唔好食。另外，佢仲有得任食和牛同雞件之類，配料選擇就唔算多，但勝在質素都算唔錯。和牛食落又好味，幾重牛味。飲品方面有啤酒任飲，一班人打邊爐又點少得呢。同埋，竹庶水都幾好，清清地，唔算好甜。…Read More

要搵間新鮮好食既蒸氣火鍋都真係唔易呢間酒樓格局既餐廳又估佢唔到有海鮮鍋食，入到去見到唔少格都都食緊海鮮鍋，除左海鮮鍋佢都有小菜食，d小菜睇落都唔錯，下次可以一大班人黎試下海鮮方面我地就揀左海蝦，帶子，蟶子，鮑魚同蜆！全部海鮮都冇沙兼且新鮮彈牙！夠哂鮮味！乳鴿就燒到脆卜卜，一人半隻剛剛好，有位食其他野除左海鮮其他野食都係任食，有牛，菜，丸，餃等等，野飲都係任飲，有竹蔗茅根，無糖茶同啤酒等等，選擇都非常之多，啱哂唔同朋友！佢D安格斯牛都非常之有牛味，店員都好細心一聽到鐘響就過黎開蓋分食物，又幫手蒸下輪一開始我地因為海鮮未到想蒸住其他野食住先，店員仲驚我地飽到食唔哂海鮮，夠哂細心最後個粥畫龍點睛吸哂所有食物既精華！…Read More

今日朋友帶我嚟呢度食半任食蒸氣火鍋😍呢度酒樓感覺為主，但牆既裝修好特別，好多籠🤣乳鵨❤️每人一隻，好juicy又香口😋珍珠蚌❤️咸鮮味重👍聖子帶子❤️大大隻，肉質嫩滑，仲帶大量粉絲底😍鮑魚❤️肉身彈牙，食材本身處理得好好💪🏻肉類❤️安格斯牛高質， 唔會太多脂肪，牛味亦濃郁～雞肉嫩身，油脂香口😋除左海鮮外，其他食物皆任食😍😍超抵！竹蔗矛根❤️成榨上😍😍😍甜度適中，清熱必選！！…Read More

同事生日，一班同事同佢慶生，放工去旺角新華苑酒家食晚飯。本來是想食小菜，去到知道有任飲任食蒸海鮮，大家都贊成試下，因為一個價錢可以食兩個半小時，除了任食火鍋配料外，還有啤酒汽水任飲。脆皮燒乳鴿，每位有半隻，即炸即上枱，香噴噴，皮脆肉嫩。還有蒸花甲，蜆肉嫩滑冇沙。海鮮八選四，大大隻扇貝、鮑魚鮮味十足，爽口彈牙。美國桶蠔大隻肥美，蠔身脹卜卜，鮮味爽口。蟶子皇，肉質爽口又鮮甜。有多款火鍋配任食，手打鮮蝦丸彈牙、手打梅菜豬肉丸口感比較林。肉類、蔬菜類蒸出來原汁原味，保持鮮味！蒸馬拉糕，口感鬆軟，甜度適中。食蒸海鮮前，侍應已將材料放入鍋內，我們蒸海鮮的時候，精華會流落鍋內，食完蒸食物，粥就煮好，粥好綿，味道鮮甜。大大枝啤酒任飲，冇乜幾多間有。…Read More