鳥炎屋 (已結業)

朋友約左我放工一齊去食日本野，係亞士厘道呢間樓上居酒屋食物種類多，水準不錯，另外店員服務態度非常友善，好適合三五知己傾下嘢食下嘢。碎葱吞拿魚腩卷吞拿魚腩油脂重，入口甘香，我中意師傅整到可以一啖放入口，口感豐富。鐵板牛舌牛舌大大塊，炆到好軟林，輕輕力就能咬開，味道甜甜地，送飯一流。雞肉串雞肉嫩滑彈牙，炭燒味道香濃。鰻魚玉子燒好有厚度嘅玉子燒入面有燒過嘅鰻魚，鰻魚無骨味道香甜，玉子燒蛋味濃郁，好好味。龍田炸雞炸雞即刻炸起，炸到外脆內多汁，雞肉嫩滑，粉漿唔厚，沙律新鮮爽脆，可以解一解膩。