玄鮨 (已結業)

今日同同事下午嚟到呢間米之蓮推薦嘅日本餐廳嚟食午餐，環境都幾高級，價錢亦都唔平，非常期待。我哋揀咗三色丼同刺身套餐，三色丼有吞拿魚，海膽，蟹子。見到都知非常新鮮，撈埋一齊食真係非常滿足，食落去各種海鮮嘅味道完全湧出來，而且佢嘅份量亦都多。另外佢嘅茶碗蒸亦都非常出色，入邊有少量海鮮提味，蛋都好滑，好正。另外嘅刺身套餐，前菜有蘿蔔牛舌，夠淋。全新有好多款，樣樣都新鮮既，最愛帶子，甜蝦，吞拿魚，拖羅，質素非常高。套餐仲有一個白飯同面鼓湯，夠曬滿足。最後有黑芝麻雪糕作為甜品，雪糕亦都非常之香，唔錯。