上到張公館，已經是1點半過後！ 驟眼見到的地方不大！應該是間開了！ 見窗邊有一張圓枱擺放了兩份餐具！還以為會帶我過去！ 怎知，是黐埋牆邊，單獨一張的二人小長方枱，仲係員工工作出入廚房的門外
以為那圓枱已另有訂位！但到我們大約2:45走都是吉枱一張
想試下個張公館．燉湯，因為寫住天天不同，所以便叫來部長問下，今日的張公館係乜湯？他話係鯊魚骨花膠燉湯，仲話好出名仲話好多人叫，咪叫一個飲下！點知家人見餐牌的張公館．燉湯是$88/位，部長所說的鯊魚骨花膠燉湯是$398/位
$398蚊仲好多人叫、香港真係經濟咁好咩？立即叫回個部長過來問淸楚！原來佢只是介紹最出名的燉湯！差點中伏！ 咁佢個例湯係響螺花膠燉湯，咪試一下！湯好淸而料多，但除咗鹹味之外，其他味都冇！:(XO醬煎腸粉，只是放一小堆XO醬在腸粉上面便是XO醬煎腸粉了，會不會太稀場（味道極差）在 幾件煎過的極多蔥花的腸粉上！:(又中伏
全部的腸粉圖片，只見芫茜腸是有綠色的東西，誰估到佢是蔥花腸點解唔寫住煎蔥花腸吖，又唔寫清楚有蔥，撞啱我是不食蔥的，點搞呢？脆皮菠蘿义焼飽，皮好脆，但太厚皮，餡料少！只食到飽皮的粉味
服務⋯伙計有好幾個！但收$20/位茶！不但沒有人加水！打開個蓋放在枱面等加水，仲要問係咪加水！
莫非打開吹風？！ 如果無人理D客人，其實可以比一壺清水！其實未試過去這類型中上價的小館，未食飽（因為對食物沒有信心！）就埋單走人！:(
