影片
更多
2023-09-15
266 浏览
星期日(12/9)慶祝生日，兩大人兩小朋友一行4人想食火煱，之前網路紅人介绍呢間一鍋堂食午餐話幾好但用餐時間短。我哋決定試下食晚餐有120分鐘。訂咗6:00pm，早15分鐘到達登記，門口接代員問我哋要咩湯底，我多口問是否可以每人一個獨立鍋，因為我曾經食過東涌鍋處，那間是每人獨立鍋，4人可有4個鍋。接代員答話要4人共用一鍋，我心想即係同另一間喺屯門叫牛一無分別。我叫咗番茄薯仔湯底，接代員打單就叫我地入去坐，沒有多作解釋其他嘢。入到去坐底，侍應說可以攞嘢食便走咗去。我哋出去拎了一些食材返來，發覺種類好少，連最基本的魚蛋或粟米都冇，只有已煮熟咖哩魚蛋，但小朋友不食辣，沒有得烚魚蛋或粟米一開始便失望了。菜櫃是吸引的，但沒有如那個網路紅人說的羽衣金藍，原來晚餐是沒有羽衣金藍，有D覺得被揾笨感覺，唐生菜好多葉尾都是枯黄色，菜芯及油麥菜會好少少。坐了半小時，我問侍應為何沒有任何肉類送來，我以為同食開牛一一樣，會一開始自動送來肥牛豬肉，侍應才告訴我是要自己scan單上QR code點嘢食，之前門口接代員是沒有講過的，現在才知道，ok咁我自己點，但轉頭侍應話已經同我哋點咗些海鲜，心諗做乜同我哋點？唉，如
訂咗6:00pm，早15分鐘到達登記，門口接代員問我哋要咩湯底，我多口問是否可以每人一個獨立鍋，因為我曾經食過東涌鍋處，那間是每人獨立鍋，4人可有4個鍋。接代員答話要4人共用一鍋，我心想即係同另一間喺屯門叫牛一無分別。我叫咗番茄薯仔湯底，接代員打單就叫我地入去坐，沒有多作解釋其他嘢。
入到去坐底，侍應說可以攞嘢食便走咗去。我哋出去拎了一些食材返來，發覺種類好少，連最基本的魚蛋或粟米都冇，只有已煮熟咖哩魚蛋，但小朋友不食辣，沒有得烚魚蛋或粟米一開始便失望了。菜櫃是吸引的，但沒有如那個網路紅人說的羽衣金藍，原來晚餐是沒有羽衣金藍，有D覺得被揾笨感覺，唐生菜好多葉尾都是枯黄色，菜芯及油麥菜會好少少。
坐了半小時，我問侍應為何沒有任何肉類送來，我以為同食開牛一一樣，會一開始自動送來肥牛豬肉，侍應才告訴我是要自己scan單上QR code點嘢食，之前門口接代員是沒有講過的，現在才知道，ok咁我自己點，但轉頭侍應話已經同我哋點咗些海鲜，心諗做乜同我哋點？唉，如果不是太多咪照食算，點知後來發現佢點咗勁多，重要係我哋唔鍾意食嘅嘢，其中最憎食魚片點咗幾碟，侍應太自把自為，點得太多海鮮了，而且味道麻麻，我哋無晒興趣點其他嘢，牛肉佢又點咗幾碟，太多了，而且牛肉太韌，都唔係肥牛，太失望。
最後，食下雪糕，柚子味軟雪糕太多水份，配料只有一款朱古力碎片俾你落，雪糕唔好食的。我太太和細女揀了细杯士多啤梨乳酪，佢哋話似牙膏加藥水味，好難食。
總括來說，服務差，接代員及侍應一開始無講如何點嘢，之後又自把自為亂咁幫哋點嘢食。火鍋最基本食材種類少，無魚蛋,無粟米,無南瓜,無蘿蔔。無網路紅人所講羽衣金藍。海鮮味道一般。沒有肥牛，牛肉片超韌唔好食。雪糕乳酷難食。
對比起東涌鍋處及屯門牛一，呢間一鍋堂是最差的一間。
张贴