漁場台風

营业中

休息中

天氣凍，好想食拉麵，記得上次去過呢間食魚介豚骨蕃茄海蝦沾麵幾好味，今日再去幫襯。下午2點幾都要排7-8個人，侍應先俾落單紙填咗先，今次選咗魚介豚骨黑芝麻沾麵，其實食沾麵應該係選凍麵，熱嘅偏稔，所以選咗凍麵。等咗唔使10分鐘入到去，坐喺bar枱，枱下面有位放袋，拉麵大約10分鐘之後送上，雖然沾麵汁偏咸，但忍唔住先飲啖，可惜個沾麵汁有魚介味，黑芝麻唔夠濃，麵亦掛唔到汁，可能汁偏稀，由於汁好快涼，我叫侍應加熱石，點知佢好似發夢倒湯入啲汁，我同佢講番應該係加石，佢好似好不滿我話佢，好晦氣拎舊石。而隻蛋亦唔夠流心。都係上次蕃茄海蝦沾麵好味啲。