大滿喜日本料理 (已結業)

喺旺角揀放題，真心難過去街市買菜，因為真係開得越黎越多（濫），間間價錢、裝修，menu都大同小異，所以今晚係求其search openrice揀左大滿喜😂 不過可能競爭真係大，今晚啲service又快又好，好到我以為自己唔係食緊mk放題餐廳，嚇親😂😂一開波就食左刺身先。三文魚就必叫嘅，食落幾鮮甜，第2好食係油甘魚，真係幾肥美，唔錯唔錯。壽司都幾好，舊飯居然唔係又黏又淋嘅質素，好驚喜😋熟食今晚做得唔錯，當中雞軟骨同炸香芋丸冇得輸！後者係超熱辣辣咁上，入面有超多香芋，食落唔會過甜但好香，食左好多粒😍😍 雞軟骨串都唔會燒得太乾，幾好食。雞翼黎講，鹽燒雞翼做得仲惹味過芝麻雞翼。另外，門口一入就有呢個自助區，但我地真係已經太飽，下次黎再戰😂😂