西餐大排檔 (已結業)

一早已經聽過朋友介紹西餐大排檔呢間野，一直都覺得呢間野個名幾特別，中西Cross over咁既款。3月26號對於小弟黎講都係一個特別日子黎，所以就3月26號選左食呢間野做晚餐。因為叫左個海鮮拼盤，所以就加埋兩杯Wine去襯襯佢。味道正常~幾好。每人加左錢去加添左呢個海鮮拼盤，分別有海蝦丶鮑魚丶聖子丶生蠔，真係第一次食聖子既刺身，咬落去有少少似象拔蚌既口感，好爽脆。而鮑魚都唔錯，入口幾軟身，味道唔錯呀，鮮甜得黎幾惹味。羅宋牛腩湯味道幾香，牛腩味道好香，令到成個湯好香牛腩清湯味~正。黑松露蘑菇湯，入面有勁多切細左既蘑菇粒，口感更特別。點左條煎黃立倉，條魚煎得幾滑，入落去都幾多汁，整體味道唔錯！薯蓉煮得幾好，好香好滑，唔錯！我就點多左一個黑毛豬扒，黑毛豬比較薄身，所以食落去唔會好UN，一切就切開左。口感其實好似牛肉，而且重見到紅色的肉質。服務員好詳細咁解釋比我地聽呢隻黑毛豬既特別同埋可以生食，又上多一課了。