甜品工房 (已結業)

一坐底就叫左個卡邦尼天使麵～蛋多士～籃莓沙冰同西瓜汁走甜,一黎杯西瓜汁冇走甜不特止,仲甜到想嘔⋯於是叫幫我地落單既四眼亞姐換過,點知佢竟然答我咪走甜囉～咪玩啦,走甜同有甜唔通我唔識分咩～都不在話,等左成半個鐘野食都仲未黎～於是又叫番企係收銀既四眼亞姐～點知佢望左我一下冇反應,仲要直行直過去左我隔離枱到幫客落單,終於忍唔住問：你咩態度呀,上網投訴你!呢位四眼亞姐一聽到即刻話有答我～答左我三次,如果你有答我就唔會咁話你啦～簡直不知所謂!野食終於到～天使麵成舊野痴住簡直難以入口⋯最大獲係佢個蛋多士，全部鹽係隻蛋上面～似食鹽多d囉～咁既服務態度同食物水準以後都唔會黎