影片
得闲落黎食左个雪糕芭菲, 估唔到咁难食! 我觉得佢地个甜品做形好靓, 好吸引女仔或者情侣入黎D雪糕唔系雪糕, 系乳酪黎! 整鬼, 酸既芭菲边好食嫁! 又唔预先通知冇雪糕, 服务态度0分
继续阅读
平时好小会入黎元朗呢边行街, 今日搭小巴落车时见到呢间甜品店, 睇下个MENU, 都有好多唔同选择!有饭类, 小食, 甜品, 饮品! 决定同老公试下, 佢可以食饭, 我又可以食甜品! 岩晒 我叫左个芒果沙沙饮, 都唔错, 好香芒果味! 老公就叫左个玉子肉燥饭, 都唔错, 份量够大份, 老公都食得饱肚!之后我见到佢有个小食牌, 我叫左个香辣鸡翼尖食。真系好辣, 不过我觉得鸡翼尖瘦左小小, 唔够多肉! 始终唔够元朗老字号B字黎, 不过都只味都好香! 好野味 甜品工房, 当然要食甜品啦!佢D甜品都俾到惊喜我! 窝夫草苺雪糕! 佢应该系即叫即整既..因为个窝夫好多热! 呢个真系值得推介
继续阅读
经过甜品工房竟看见中西餐餐牌, 反正未品尝过此舖的食品, 决定一试。 餐牌上有韮菜饺, 肉燥鸡翼饭, 感觉怪怪的, 最后还是点了西餐pasta蕃茄烟肉什菜天使面餐饮要洋甘菊, 份量大杯, 再送两块曲奇, 花茶香气四溢, 但杯的设计差, 要把整个茶隔取出才能饮用。 主打的甜品令人失望, waffle不脆, 也没有蛋香, 可能waffle不是甜品工房的强项吧！下次还是试试其他甜品。
继续阅读
放假同FD行开元朗，见呢间野装修几靓，就入去帮衬下，估唔到咁就揾到个新既食糖水落脚点!!系外面望已经觉得个格调几好，简单得黎又雅致，入到去坐低都几舒服，似cafe多过糖水舖，明显系行中高舖路线，啲甜品睇落都好精致，价钱就比其他人来人往果D甜品舖高少少。呢啲叫"食装修"丫麻，哈哈！我地3个人一共叫左3款甜品，等左冇几耐就上齐，态度同速度无得弹。我就叫左个"黑色情迷芭菲"，讲真，啲名有点肉麻....不过女仔可能会受落啦，不过卖相真系一流。底果层雪糕，上面应该系可可米，然后一层雪糕，再黎一层OREO饼碎，最上面系落左可可粉既雪糕，一层脆一层软，口感非常好，而且都唔会太甜，又够大杯，份量十足，正呀！另一个FD叫左个"浪漫季节乳酪"，最底一层系Yogurt，之后一层土多啤梨，然后一层Yogurt，上面一个大大既雪糕球，加少少花生碎。呢款叫"冬之恋"，个人认为芒果呢款热带水果配呢个名好似唔太夹，应该揾种蓝色既水果?里面有粟米片、小丸子、软雪糕、芒果，烟烟韧韧咁，几有咬口，上面加个曲奇雪糕球，身形明显冇啲雪糕杯咁高挑啦，哈哈。平均每人$45左右，系就比平时既糖水舖贵啲，但就款式味道同气氛黎讲，我觉得唔贵㖞，下次再黎试下其他款先！
继续阅读
成日系元朗食糖水都系泛后、B仔，食到厌，听朋友提过呢间行中高档路线既甜品工房，特登带女朋友过黎试一试，果然有惊喜。间野个位置唔算好揾，下午4点黎到，重有几张空位，唔驶等就入座。间舖装修几靓，干净大方，比一般既元朗糖水舖格调高唔少，坐得又舒服，啱晒同女友黎食，当然...睇睇张餐牌，价钱都比啲街坊舖高2-3成。餐牌款式都唔少，主要都系西式甜品，张张相都影得好靓，对于有选择困难既我都系一个麻烦...女友叫左个雪糕窝夫，下午茶时段，不过系26蚊，饮品重有半价，睇卖相都抵。雪糕甜度适中，个窝夫热热地又香脆，好食！我就叫左个芒果派对乳酪，盛惠48元正，不过份量比想像中大，芒果肉同雪糕酸酸甜甜，上面重撒左花生碎同果仁，正呀！去得多平时既糖水舖，黎一间高档少少既换下口味真系唔错，下次我会再黎试下其他甜品！诚意推介！
继续阅读