陶源酒家

今日同啲朋友一行10幾人一齊去呢間酒樓飲茶，我哋叫咗超過20碟點心，但係上菜比較慢，我哋差唔多要走嘅時候候都仲有啲點心未到，於是我哋唯有埋單，同埋想取消未到嘅點心。

點知道負責收銀嘅姐姐姐唔信我哋，堅持話我哋食咗點心唔認數，懷疑我哋呃錢，唔通我哋食千幾蚊會為咗慳幾十蚊講大話？

直至到見到經理同佢反映，收銀員先肯幫我哋取消，而且一句道歉都冇，我真係唔明白點解會有呢啲員工，我哋嚟食飯，唔係嚟受氣。

真係要同陶源酒家嘅老闆講聲，希望你好好培訓吓酒樓嘅員工。