影片
更多
2020-06-27
620 浏览
呢間係周奕偉介紹過既鯛魚湯拉麵店開左黎香港，好似好吸引咁，就過黎試下係條後巷排隊，大概20人等緊，烈日當空下都真係幾熱，為左食，精、氣、神！掙扎！一個帶位男侍應係後巷出現後，不愉快經歷就開始了，起初佢已經用好不情願既聲調同d客講只得清湯一款到我點餐時(仲係後巷排隊中)我點了4碗清湯拉麵，佢終於問你地幾人，未齊人唔落得，ok明白，咁我繼續等齊人先落單啦過左一陣，佢再次出現係後巷，唔出聲望住我，我完全唔知佢想點，我望返佢，佢先用好差既語氣問要咩，個刻我地都係未齊人，佢唔講我點知呢一刻原來係你皇恩浩蕩，卑我落單呢？ 點好了，佢依然唔出聲，再次望住我，原來係要我卑錢，但我覺得最基本總數幾錢你都要話卑個客聽呀，單你又未卑我，前面仲有10幾人排緊，碗麵未食就要我係後巷卑定錢，仲要個客自己心算加埋總數卑你，原來可以收信用卡佢又唔講，從未見過一間餐廳如此肉酸小家，一係你整部自動售賣機，真係好不知所謂!鯛清湯拉麵等左成粒鐘終於食到，個湯清得黎咸，魚味唔濃帶腥，唯一覺得好食係塊魚皮，其他都係不外如是，食完仲好口渴一間咁垃圾service 既拉麵店，d麵更好食都唔會有人想再返黎幫襯，$138一碗仲要普通到唔
係條後巷排隊，大概20人等緊，烈日當空下都真係幾熱，為左食，精、氣、神！掙扎！
一個帶位男侍應係後巷出現後，不愉快經歷就開始了，起初佢已經用好不情願既聲調同d客講只得清湯一款
到我點餐時(仲係後巷排隊中)我點了4碗清湯拉麵，佢終於問你地幾人，未齊人唔落得，ok明白，咁我繼續等齊人先落單啦
過左一陣，佢再次出現係後巷，唔出聲望住我，我完全唔知佢想點，我望返佢，佢先用好差既語氣問要咩，個刻我地都係未齊人，佢唔講我點知呢一刻原來係你皇恩浩蕩，卑我落單呢？
點好了，佢依然唔出聲，再次望住我，原來係要我卑錢，但我覺得最基本總數幾錢你都要話卑個客聽呀，單你又未卑我，前面仲有10幾人排緊，碗麵未食就要我係後巷卑定錢，仲要個客自己心算加埋總數卑你，原來可以收信用卡佢又唔講，從未見過一間餐廳如此肉酸小家，一係你整部自動售賣機，真係好不知所謂!
鯛清湯拉麵
等左成粒鐘終於食到，個湯清得黎咸，魚味唔濃帶腥，唯一覺得好食係塊魚皮，其他都係不外如是，食完仲好口渴
鯛清湯
$138
43 浏览
2 赞好
0 留言
鯛清湯
$138
44 浏览
0 赞好
0 留言
一間咁垃圾service 既拉麵店，d麵更好食都唔會有人想再返黎幫襯，$138一碗仲要普通到唔普通，狗眼看人低，就算免費我都一定唔會再去😤
张贴
