金鳳大餐廳 (D2 Place TWO)

一直都知道呢間餐廳侍應態度麻麻，但係朋友想試吓，唯有同佢嚟食一次,質素真係好一般，牛扒冇味，又韌,　什扒上碟似一堆垃圾，都算。今次想請朋友食飯，所以預早埋單，到離座前，已經同侍應講咗埋咗單，點知有個成身纹身嘅短髮女侍應,好大聲咁叫住我話我未埋單,當時成間金鳳啲乘客都望住我，我即時揸住張收據，話已經埋咗單，佢先揼低頭當冇事發生！我想知今時今日咁嘅服務態度，自己未check清楚就指責人，難怪香港食肆會咁易執笠，原來真係唔係冇原因㗎！