東京築地拉麵 (已結業)

已經來過三次，服務一次比一次差。唔係野食，味道其實ok。叫做炸雞，餃子，泡菜雞卷，特盛拉麵服務態度如下:1)女侍應落完一碗飯之後就即刻講'係咁多？' 咁係唔係想我地真係唔再叫？趕收工丫？2)落完單，佢俾罐可樂係反轉咁大力啪係張台到。3)佢去隔離枱加茶，倒瀉一枱都係，流到落枱底。隔離枱都幾火佢，但我就見到佢攞住塊去迎賓同去岀菜處唔知搞乜，完全冇機警心去理自己倒瀉熱水既果台客。4)我地係周圍算第一枱客落單，當時已經9;47分，店一點都唔忙，但係點解我地任何野食都係最遲上。等超過二十分鐘第一樣炸雞先到，倒轉黎，卷物最快既凍食最後上，大約四十分鐘食到尾先到。仲要一樣野食都未上就叫我地埋單，仲好意思？真係好火。你好趕收工咩，我都想快d食完返屋企丫!重點係:大家都會有做錯既時候，但女侍應就選擇係隔離枱走之後就係度對住經理講自己點樣已經講曬對唔住之類。補鑊既野，大家心照，但係唔係其他客人面前講。去食碗拉麵je，我唔想聽到d咁既說話。一些基本既待客態度都冇，以後都唔會再去。男友話打咁多就乜，打篇粗口就啱。你諗下幾嬲。