影片
更多
2008-05-14
母親節, 同媽媽在尖東食完野, 媽媽話想食甜品, 於是我地一家七個人行過來諗住食下豆腐花, 去到門口, 見大時大節都唔駛排隊, 仲以為好好彩, 點知中計, 食到一肚氣.入到去, 我地見到有張近牆的沙發檯, 問個帶位可唔可以坐果度, 佢話木口木面話果張有人留左位, 叫我地坐正中間d圓檯, 拍埋兩張比我地, 咁我地都冇所謂, 就聽佢話啦.坐低, 我地七個人, 兩張檯, 有八套食具, 個四眼侍應就偏偏收左我媽媽面前果套, 我地成家人都覺得好奇怪, 點解空出果個位d食具唔收, 係要收左我媽媽果套, 我地仲講笑話唔通母親節唔想媽媽食太多野?然後叫野食, 知道佢個木桶豆腐花要等, 於是一坐低就order左先, 然後我地先再諗食咩, 於是隔左五分鐘左右, 就叫左個好似腸粉既甜品(唔記得名), 木瓜南北杏雪耳, 雪梨南北杏雪耳.等左一陣, 有個侍應拎左一鐘野來, 就咁放低, 於是我問佢係木瓜雪耳, 定雪梨雪耳啦, 佢係有答左我, 但成檯人冇人聽到, 我細妹問多佢一次, 佢竟然話, "咪講左羅, 雪梨南北杏雪耳呀, 講左三次喇" 我地成檯人呆晒, 很值得參考的服務態度.然後食完晒d野, 我地一開始o
入到去, 我地見到有張近牆的沙發檯, 問個帶位可唔可以坐果度, 佢話木口木面話果張有人留左位, 叫我地坐正中間d圓檯, 拍埋兩張比我地, 咁我地都冇所謂, 就聽佢話啦.
坐低, 我地七個人, 兩張檯, 有八套食具, 個四眼侍應就偏偏收左我媽媽面前果套, 我地成家人都覺得好奇怪, 點解空出果個位d食具唔收, 係要收左我媽媽果套, 我地仲講笑話唔通母親節唔想媽媽食太多野?
然後叫野食, 知道佢個木桶豆腐花要等, 於是一坐低就order左先, 然後我地先再諗食咩, 於是隔左五分鐘左右, 就叫左個好似腸粉既甜品(唔記得名), 木瓜南北杏雪耳, 雪梨南北杏雪耳.
等左一陣, 有個侍應拎左一鐘野來, 就咁放低, 於是我問佢係木瓜雪耳, 定雪梨雪耳啦, 佢係有答左我, 但成檯人冇人聽到, 我細妹問多佢一次, 佢竟然話, "咪講左羅, 雪梨南北杏雪耳呀, 講左三次喇" 我地成檯人呆晒, 很值得參考的服務態度.
然後食完晒d野, 我地一開始order果個木桶豆腐花都仲未到, 睇睇張單, 已經隔左成三十分鐘有多, 問一問個四眼侍應請佢跟一跟, 佢哦左一聲之後完全冇行動, 好勁. 之後我地叫左個好似高級少少既女侍應, 佢用walkie同其他人講左幾句, 又走開, 然後我地再等左成十幾分鐘, 個木桶豆腐花仲係未黎. 就再搵左個好似最高級既男經理, 問佢個豆腐花幾時先有, 佢就話要check check, 再等左成五分鐘, 佢先走返過來同我地講, 廚房d水未得, 要再等多陣, 一係就同我地cancel左張單去. 我地見等左成個鐘都未有, 於是決定cancel啦.
成件事, 到最後尾我地起身走人, 先聽到個男經理講左一聲唔好意思. 之前果兩個侍應, 服務態度好似我追佢地單, 係我好有問題咁, 完全唔知咩事.
另, 一開始我地話想坐果張近牆的沙發檯, 在我地坐低左冇耐, 就已拆左做兩張細檯比其他人了, 又話有人留左大檯? 仲有, 我又唔明做緊晚市, 點解會響e個時候, 先在出菜果個位置度係咁鑽牆? 唔怕有好多塵飛落d野食度咩?
首次於openrice發文, 因為此店服務態度實在太差, 價格與食品質素相比又非常不值, 故認為值得向大家報告一下.
张贴