影片
更多
2007-11-19
6 浏览
譚魚頭既服務態度不嬲都出哂名好差。但因為火煱係本人既至愛，而呢間餐廳既秘制湯料又較為特別，所以都忍唔住要去試試。結果上月初到旺角分店一試，上月底再到尖沙咀分店一試，感覺都一樣~~~ 服務態度真係奇差!!!上月初同朋友到過旺角分店: 我地訂左8點鐘檯, 我地準時到達。櫃檯職員話客人埋緊單，叫我地等15分鐘。15分鐘後再查問職員，識員又話客人食緊甜品，再等10分鐘。結果一等再等，等左成個鐘先至有檯。埋完單再食甜品駛唔駛成個鐘頭? 好明顯係職員講大話啦! 訂左檯都要等成個鐘, 已經好唔滿意, 職員講大話令我地更加唔高興, 結果成餐飯大家都食得好唔開心。今個月中舊同事又相約到尖沙咀分店食火煱，由於今次訂檯訂7:30鐘，而且尖沙咀分店人流少啲，結果真係即時有位。可惜食唔夠一個鐘便被職員催我地埋單。第一次被催趕既係係我地食左45分鐘，職員已用幫我地清理張檯為由，將火煱煲最走。再隔15分鐘另一普通職員就同我地講可唔可以先埋單，因為我地重有野未食完，又未飲完野，所以禮貌咁婉拒左。再過10分鐘又有一個高級少少既職員走過黎，好無禮貌咁問我地可唔可以交番張檯俾佢地。我地真係開始唔滿意佢地既態度，我地同
上月初同朋友到過旺角分店: 我地訂左8點鐘檯, 我地準時到達。櫃檯職員話客人埋緊單，叫我地等15分鐘。15分鐘後再查問職員，識員又話客人食緊甜品，再等10分鐘。結果一等再等，等左成個鐘先至有檯。埋完單再食甜品駛唔駛成個鐘頭? 好明顯係職員講大話啦! 訂左檯都要等成個鐘, 已經好唔滿意, 職員講大話令我地更加唔高興, 結果成餐飯大家都食得好唔開心。
今個月中舊同事又相約到尖沙咀分店食火煱，由於今次訂檯訂7:30鐘，而且尖沙咀分店人流少啲，結果真係即時有位。可惜食唔夠一個鐘便被職員催我地埋單。第一次被催趕既係係我地食左45分鐘，職員已用幫我地清理張檯為由，將火煱煲最走。再隔15分鐘另一普通職員就同我地講可唔可以先埋單，因為我地重有野未食完，又未飲完野，所以禮貌咁婉拒左。再過10分鐘又有一個高級少少既職員走過黎，好無禮貌咁問我地可唔可以交番張檯俾佢地。我地真係開始唔滿意佢地既態度，我地同佢地解釋，我地想坐多一陣，我地有食野，會俾錢，張檯又唔係借返黎，點解會好似我地強搶左佢地張檯咁要我地交還佢地呢。又過10分鐘有個經理走過黎問我地可唔可以先埋單，要我地9點鐘交番張檯出黎俾下一輪架客人。我地同佢理論話訂檯時佢地職員無同我地講過有咁既規定，帶位職員又無同我地講過，咁無理由突然間要趕我地走。其實本來我地都差唔多走架啦，但係佢地一趕再趕又再趕下，我地班朋友為左呢件事情討論多左成半個鐘先走!
我地全部朋友都對呢間餐廳既服務態非常失望同不滿，以後都唔會再去，唔會推介俾朋友，更加會建議想去既朋友唔好光顧譚魚頭。
张贴