影片
更多
2017-11-07
253 浏览
10月7號時來過一次，食物尚可又無限時間，所以諗住再食， 今次訂位就出現咗問題喇。兩次都係朋友訂位，今次朋友本來係訂咗10月30號兩位，因為有事所以改做11月4號，而人數就由兩位改做4位，餐廳亦都確認咗，到11月4號當天餐廳再次打比我朋友確認訂位及說要早些交枱，因為當晚好多booking，電話中亦都確認係4位。當晚我早到所以先去攞位，但餐廳話只有兩位booking，不會提供到4人座位，我跟他們理論了幾句便等朋友來再算，過程中，他們堅持由此至終都係得兩位嘅booking，而且係用一種愛理不理嘅態度，當中連一句唔好意思或對唔住都冇講，這種態度真係講多都嘥氣，朋友來到便立即轉場。咁嘅價錢其實係有得選擇，除非你真係堅持要食串揚啦！其實係10月7號第一次用餐時已見到一些情況，不過冇諗過間餐廳真係咁經常發生啫。話說當日我又係早到所以攞位先，坐低咗等朋友期間就見到有一個人一入門口就叫咗餐廳入面其中一個職員或老細（唔清楚）個名，跟住就問佢有冇位，話好快食完又剩咁啦，咁個位職員就安排咗原先應該係有booking嘅位比咗佢哋坐，然後就同餐廳所有伙記講話停晒其他單，做晒個枱先，佢果枱係有大約10個人到啦，咁
其實係10月7號第一次用餐時已見到一些情況，不過冇諗過間餐廳真係咁經常發生啫。話說當日我又係早到所以攞位先，坐低咗等朋友期間就見到有一個人一入門口就叫咗餐廳入面其中一個職員或老細（唔清楚）個名，跟住就問佢有冇位，話好快食完又剩咁啦，咁個位職員就安排咗原先應該係有booking嘅位比咗佢哋坐，然後就同餐廳所有伙記講話停晒其他單，做晒個枱先，佢果枱係有大約10個人到啦，咁到最後嘅結果係點就唔使講大家都諗到啦，成枱飲大咗唔願走，book咗枱嘅黎到冇位要等。今時今日咁做生意，真係唔會有返頭客囉，以後又可以食少一間喇！
张贴