新濤園茶餐廳 (已結業)

今晚我們去咗旺角豉油街嘅「新濤園」食宵夜！我們叫咗薑蔥魚腩煲炒得好夠鑊氣，薑蔥爆得好香氣撲鼻，魚腩嘅肉質相當鮮嫩彈牙！臘味煲仔飯同北菇滑鷄煲仔飯嘅米飯好軟熟，飯焦好香口脆身，臘味嘅味道比較芳香，而滑鷄嘅肉質好軟滑！香脆滑蛋蝦仁炒麵嘅麵炸得好香脆，蝦仁都幾大隻同爽甜彈牙，而且份量都幾多！另外！值得讚賞嘅係北菇滑鷄煲仔飯嘅煲仔整個裂開咗一半，我們同一個應該可能係老闆嘅男人講，佢即刻好有禮貌咁話：「唔好意思！我即刻換過煲新嘅畀你！」真係值得一讚！