影片
虽然香港呢个冬天怪怪地,有时好热可以著短袖,有时无啦啦好大风系冻冻地既天气既时候我就梗系食煲仔饭啦, 暖下都几正食煲仔饭我平时都会去庙街, 今次朋友介绍话呢间新涛园都几好食,咁就跟佢去食下啦比个friend话我次次都食腊肠排骨饭好闷wor, 难度专一都有错?成日都食腊肠排骨饭既我, 今次就食下新野北菇鸡加蛋饭, 黎到个卖相都相当唔错呀! 相机食先!D鸡好嫩滑,非常入味!d 菇都好爽口, 仲有好多饭蕉,正呀好食到成个好快就比我KO,因为太肚饿食得太快太狼, 所以食唔饱太正最后决定再叫多一个一模一样北菇鸡加蛋饭, 最后变左同朋友两个人一人一个煲仔饭呢间新涛园真系几唔错, 下次再黎帮衬!
继续阅读
今晚我们去咗旺角豉油街嘅「新涛园」食宵夜！我们叫咗姜葱鱼腩煲炒得好够镬气，姜葱爆得好香气扑鼻，鱼腩嘅肉质相当鲜嫩弹牙！腊味煲仔饭同北菇滑鸡煲仔饭嘅米饭好软熟，饭焦好香口脆身，腊味嘅味道比较芳香，而滑鸡嘅肉质好软滑！香脆滑蛋虾仁炒面嘅面炸得好香脆，虾仁都几大只同爽甜弹牙，而且份量都几多！另外！值得赞赏嘅系北菇滑鸡煲仔饭嘅煲仔整个裂开咗一半，我们同一个应该可能系老板嘅男人讲，佢即刻好有礼貌咁话：「唔好意思！我即刻换过煲新嘅畀你！」真系值得一赞！
继续阅读
难得系平日放假，仲要加埋咁好天气所以都唔继续瞓觉，出去行吓睇吓野，感觉唔会徙咗一日咁，行吓行吓谂谂吓都系番铺头睇下，返去之前梗系医下肚先所以就嚟咗间唔中会同朋友嚟嘅依间度食我最爱嘅煲仔面无错！！！系煲仔面我拣咗牛肉加墨鱼煲仔面，佢用煲仔饭原理， 将饭变做面牛肉系用新鲜牛肉去整，唔系煮定好似沙爹牛果啲，墨鱼丸都好弹牙虽然汤底唔算好浓味，但佢加左啲姜一齐煮所以冬天食都几正上面又加左啲菜， 今餐都够晒均匀啦
继续阅读
煲仔饭食得多，煲仔面真系未试过！今次约埋个麻甩朋友去试一试夜晚七半去到，入座率达七成，同朋友好快就点咁八珍豆腐煲同牛腩煲仔面！等咗五分钟就食得啦！热辣辣的八珍豆腐煲有豆腐、猪肚、猪润、秀珍菇、猪肠、腩肉，食到底仲有好多白菜仔，正呀！最重要系每款配料都好味！猪肚同小肠好爽、猪润又够厚身、至于菇同豆腐就吸晒酱汁，非常入味！煲仔面都非常出色，送到嚟系成个面饼，建议呢个时候先食配料！牛腩真系多到数唔晒，搭配牛筋，牛腩王必点！我同朋友都唔算食得快，食到最尾，面质都唔算太稔以后去旺角食快餐除咗谭仔，又多个选择啦
继续阅读
一直都有去开依间食饭，平时黎黎去去都系果几味，甘今次就望下有咩未试过试下！ 哈哈，竟然起蔬菜类揾到碟名为<蜜椒薯仔鸡中翼>,起初有啲抗拒，因为我好惊系薯仔焖鸡翼果种，(因为我超爱食鸡翼，但因会食个皮系脆果种),甘有啲朋友都话未试过试下，甘就一于试下！因为一行8个人，所以嗌2碟鸡中翼！仲有煲仔饭果啲！今次重点推介依碟呀！ 黎到果下真系好吸睛 我最钟意食就系蜜糖鸡翼，而佢仲要加左黑椒，个皮劲脆，又唔会好油，食落真系哗一声，正 个薯仔又好味，系连埋皮架！ 好好味！ 连隔离枱都俾依碟野吸引住！真系估唔到误打误撞都嗌到碟甘好味既！ 一定会再黎食过！利申-依到系2碟加埋既份量!!!!!
继续阅读