今日同屋企人諗住喺度食下午茶，入到去侍應唔俾揀位，指定坐去一張枱(都冇所謂，喺香港食嘢已經預咗冇得揀)。
坐咗2-3分鐘個侍應就無啦啦衝埋嚟問食咩，嗰陣又唔係繁忙時間你又唔係茶記，完全唔明點解要噉樣。
點餐嘅時候個女侍應又黑口黑面噉落單，屋企人叫車仔麵嘅時候講漏要咩湯底，個侍應就好不滿噉講「咩湯底啊？湯底啊！」態度非常惡劣。
幾個人叫完嘢食之後仲諗住用個學生優惠，個侍應就話「要分單嗌啊，下次早啲講啦」，完全係趕客嘅態度。所以我哋就成全佢，即刻拉隊走人。
未食嘢都已經成肚氣，呢間嘢真係犀利👏🏻
噉樣嘅服務態度就算你啲嘢有幾好食都冇用。（不過見其他食評都批評食物同服務）
大家冇強大嘅心臟都唔好幫襯！
以上食記乃用戶個人意見，並不代表OpenRice之觀點。
4
