大茶飯 (將軍澳中心)

营业中

休息中

台灣菜嚟講選擇都算多最有趣係餸菜既名最好係可以一次過食埋甜品同埋整正餐商場嚟講價錢都唔算太貴而且有BB凳提供適合一家大細去食如果經過嘅都可以試吓希望可以加入更加多飲品嘅元素

今朝做完運動覺得非常之肚餓又唔想去對面間餐廳要排隊所以就幫襯咗呢間其實之前叫外賣都食過幾次不過真正堂食都係第一次首先入到去完全冇人招呼侍應有兩三個不過顧住自己傾偈完全唔理人真係冇乜服務而且佢張餐單非常之複雜都唔知點樣配真係要問侍應先知點樣叫邊啲要加錢邊啲唔駛加之後開始入到去搵人點餐個侍應非常之搞笑佢語氣好似好睇唔起人我叫個餐 轉出前一丁要加$5丹麥多要加$3 凍奶茶又要加錢然後佢會每次都會同你講呢個要加錢 不過佢語氣唔太好之後我同佢講咗冇所謂然後佢都會語氣好重講呢樣要加幾多？嗰樣要加幾多？食物方面其實都過得去出前一丁都煮得彈牙雞扒大大塊滑蛋都非常之大份丹麥多就普通啲最出色係杯凍奶茶茶味都夠而且好大杯不過講真咁做生意法服務唔太好 真係好倒米佢係勝在繁忙時間唔駛排隊如果服務做返好啲就會好好多

平日晚上入內用餐，店內顧客不多，店員也積極招呼入內。最後點了兩碗車仔麵和一份雜菜豆腐煲的晚市套餐，店員也有告知點套餐的家人，外賣訂單較多，要先處理完，需時15-20分鐘。其中一碗車仔麵率先上桌，發現要價10元的冬菇只有一小個，向店員反映，幸好有增加一至兩個。另外一碗車仔麵的配料差不多，等候時間卻相隔了至少10分鐘。上桌後發現配料數量也是偏少，蘿蔔更像是剛煮熟，很硬和不入味。每碗車仔麵獨立最低消費58元，可選擇的配料不多，而且配料份量少和不入味，唯一可取是湯底尚可。在點餐近30分鐘後，雜菜豆腐煲終於上桌，問題跟車仔麵一樣，雜菜像剛煮了沒幾分鐘，菜是偏硬，份量少和不入味，顯然不值得等待那麼久。整體感覺是餐廳無心照顧晚市的堂食客人，只顧應付大量外賣平台的訂單，如此的食物味道、份量和等候時間，還要再加上一成服務費，整個用餐經驗是令人失望的。

大茶饭早上和晚上基本不用排队，对面铺是竞争对手的餐厅，早上和晚上都见有食客排队等入座。大茶饭的早餐，下午茶和晚餐食物都是我期望的味道属于合格。唯一服务态度有待改进，一男一女的服务态度说话是很直接，我第一次光顾看不懂特价餐牌，就直接被女服务员指责。男的负责收银也是个有脾气之人，不要惹怒他。只论食物是ok的和对面铺的竞争对手可以媲美。晚上有加一服务！

花費幾百元點了外賣，收到外賣立即打開發覺少了一份菜，立即打電話給店家，店家態度惡劣，可能也是快下班時間吧，但是，口氣極差，矢口否認漏放並將責任推給車手，說肯定車手偷拿或偷吃了，這樣態度惡劣的店家，實在不建議光顧，只會惹來一肚子氣，沒吃飽而是氣飽，香港餐飲每下愈況，少不了這樣的店家的貢獻——————————————————————————————-

本黎係店外已睇到有7-8款野食想哎，但到收銀部時準備點餐，收銀員先係態度不耐煩，然後講第一樣食物時，即問「即係邊樣？」，再答佢時，佢又再問：「即係點呀？」已唔晒再落單，憑勸唔需要比錢買難受

管理差， 態度差，沒服務卻強收加一，4人消費,（2大2小）已order3客正餐，硬要規定每人最低消費， 不論你帶小孩，本身打算叫多一客小食了事，但它收費限制最少2客小食才夠數。 但要求他給水時，就4人給3杯 ，職員可能用行為反諷我， 搞笑，過程中只聽到員工當衆埋怨，甚至拿客戶用來作話題控訴。 今時今日，諸多限制，卻服服勁差，真值得被比下去。

呢間餐廳果個老闆會黑客人面之前已經見過佢同個客因為出餐慢而係度鬧交上次我食完飯比錢想儲The Point積分有少少野無跟到佢指示就係度啤住人，我後面又無人，阻到佢好多時間咩？我就先唔講食物好定唔好本身我對食物既要求唔係好高食得落肚又唔肚痾就已經足夠但係呢個老闆咁樣對d 食客唔怪得之佢對面果間餐廳咁多人排隊而佢果間餐廳有咁多空位都無人願意入去幫襯啦真係唔趕時間都唔會揀呢間野實話實說，抵佢生意唔夠對面好。

今日要去將軍澳入境事務處 ，之前就去附近商場食個快飯，可能lunch time 關係，間間食肆都勁多人，行過大茶飯門口個叔叔喺門口拉客就入去食，環境望落算光猛嘅，但枱比較細，櫈比較矮唔太好坐，服務態度算唔錯，細心位係一坐低個女侍應就好快手俾杯凍水我，行到熱辣辣啱哂，order咗個鳳梨黑醋骨飯，落單後大概15分鐘就出到餐，喺繁忙時段算快手，味道啱我口味，天氣熱食菠蘿開下胃係錯選擇，食飽埋單走人收銀靚女都會主動講多謝哂bye bye，行出門口見到夜晚原來有雞煲，下次放工過嚟試下先

今日同屋企人諗住喺度食下午茶，入到去侍應唔俾揀位，指定坐去一張枱(都冇所謂，喺香港食嘢已經預咗冇得揀)。坐咗2-3分鐘個侍應就無啦啦衝埋嚟問食咩，嗰陣又唔係繁忙時間你又唔係茶記，完全唔明點解要噉樣。點餐嘅時候個女侍應又黑口黑面噉落單，屋企人叫車仔麵嘅時候講漏要咩湯底，個侍應就好不滿噉講「咩湯底啊？湯底啊！」態度非常惡劣。幾個人叫完嘢食之後仲諗住用個學生優惠，個侍應就話「要分單嗌啊，下次早啲講啦」，完全係趕客嘅態度。所以我哋就成全佢，即刻拉隊走人。未食嘢都已經成肚氣，呢間嘢真係犀利👏🏻噉樣嘅服務態度就算你啲嘢有幾好食都冇用。（不過見其他食評都批評食物同服務）大家冇強大嘅心臟都唔好幫襯！

今日入將軍澳搵食，行到熱熱地搵唔想食飯就搵麵食，醒起將軍澳中心有間食車仔麵嘅鋪頭，去到見無咩人排就入啦，睇餐牌有自選車仔麵套餐，另有招牌車仔麵兩款，作為牛魔王嘅我就選咗碗好多牛嘅［見慣世麵］，麵底我揀咗新竹米粉，啲材料有牛展，牛腩，牛根，牛肚菜，貢丸再加條台灣腸，成碗麵啲餸多到遮哂個麵底，新竹米粉真心好食過出面普通嘅米粉，牛腩，牛展又唔會太韌有咬口，食完成碗麵真係飽到一個點，飲品揀咗杯柑桔蜜，夏天飲呢啲酸酸甜甜嘅又係唔錯選擇，題外話，咁啱隔離枱個小朋友倒瀉嘢飲，店員們都好快反應幫手清潔乾淨，仲送番杯飲品俾個小朋友，都係細心位嚟。不過間餐廳枱就比逼，凳就比較矮唔太好坐

今日去將中商場嘅大茶反食車仔麵，竟然食到一肚氣。話說我今日係食見慣世麵，即係以下照片嘅餐牌介紹。當時我點咗這個餐，職員主動問我食乜野麵種，妳問得我要乜麵種，係咪代表係包米粉、米線、油麵或者淮山麵等。我聽完職員介紹後，我就選擇要准山麵。當時職員表示沒有問題。即時下單！我另外落咗二只滷水蛋，知道要加$16。但當我見到職員遞給我的賑單一看，馬上嚇了一跳。原來這款見慣世麵。$72的收費是只包餸的。所有麵底均要加錢，而我選擇的淮山麵是要另外加$19。凍飲再加$3。前前後後總共埋單要$110。但是職員並沒有說明麵底要加錢，亦沒有講清楚加淮山麵要另外俾多$19。所以我覺得佢有隱瞞成份。同負責人講佢話不嬲見慣世麵就只得餸的。並唔覺得職員唔講唔解釋係有問題。到職員奉上“見慣世麵”，亦到俾佢嘅餸嘅份量嚇親。每一款餸只係得一件，其中貢丸應該有二粒，但只係俾得一粒，負責人話圖片只供參考，俾一粒係正常喎。各位比較下間餐廳嘅介紹圖片先。我個碗差唔多只係有麵底，同埋幾舊餸，但就要收過百蚊，這是什麼的道理。實在太嬲啦。我想一定無下次！當我埋單想走人嘅時候，負責人仲繼續嗌飛，似暗示自己唔休做。我覺得今餐完全係唔合理。好

今日系將軍澳開會，要拿拿臨食個快飯，午飯時間度度麵勁多人，要搵間即刻可以入座的鋪頭麵唔容易最後簡一呢間相對無咩事的茶記，印象中以前好似麵有試過佢的分店午餐menu選擇唔算多，價錢尚算合理$50-$70左右，正常商場價錢待應叔叔幾熱情，不斷招待我地可能開張無耐，個廚房未系好熟手，上菜都幾慢下醉雞飯$58醉雞一正碟另上，份量正常喇，不過略嫌多骨醉雞食落似白切雞多過醉雞，無咩酒的香味，雞肉都尚算嫩滑

呢間性價比低 坐得又唔舒服 叫咗個蔥油雞飯 啲雞好韌 同埋食到有碎骨 雞肉偏瘦咬到口都攰 連午市都要加一 70幾蚊去食其他嘢好過 呢間餐廳唔太值得推介 有其他選擇就去其他餐廳食好過

下午茶時間叫咗個牛肉炒飯，極度難食，牛肉奄到爛，飯又爛又濕又凍，痴埋一舊舊。豬扒炒麵，啲豬扒梅爛兼且凍，炒麵算正常，但真係十分難食🤮🤮。鹽酥雞算係比較正常。難食呈度難以想像。唔怪之得隔離茶餐廳排晒隊。而呢間野拍烏蠅🪰。