影片
更多
2020-11-04
122 浏览
好耐之前食過一次尖沙咀喜來，感覺不錯，今次決定試試旺角店，點知整個用餐體驗極差，令人失望，絕對冇下次。第一，當日我們book左六點半，一入座成個場好靜，只得兩枱客。但我入座時所有前菜（泡菜蘿蔔生菜等等）已經放哂在枱面，唔知放左幾耐。實在不能理解點解可以將啲前菜一早攤哂喺度（餐廳內每張枱都係咁），極不衛生。疫情期間餐廳人流唔多，等客人入座先將前菜從雪櫃拎出黎有幾難？第二，我們落單時揮手叫侍應，佢就話餐廳而家全部用QRcode落單。Ok無問題，我一掃code，全部野都load唔到，我以為係我手機信號問題，點知連了店內wifi 都收唔到。始終還是要問侍應拎menu睇，之後三個侍應即刻衝過黎，話 : “唔係load唔到，睇到無相就係未有相。” 既然QRcode落單系統未完善，就唔好咁快推岀黎啦。相都無張點落order呢，咁基本既野都做唔好，仲咁理直氣壯。第三，我們叫左一份雞肉，點知上到黎準備烤先發現個雞肉其實係雞排黎。一份雞肉有兩塊雞排，完全冇幫客人切開。除左雞肉，連份泡菜煎餅都係咁，成個pizza咁大個先求求其其切了兩刀開四塊。個雞排咁大塊真係唔知點煎得熟，熟得黎都夠鐘交枱走人了。你唔切咪我
第一，當日我們book左六點半，一入座成個場好靜，只得兩枱客。但我入座時所有前菜（泡菜蘿蔔生菜等等）已經放哂在枱面，唔知放左幾耐。實在不能理解點解可以將啲前菜一早攤哂喺度（餐廳內每張枱都係咁），極不衛生。疫情期間餐廳人流唔多，等客人入座先將前菜從雪櫃拎出黎有幾難？
第二，我們落單時揮手叫侍應，佢就話餐廳而家全部用QRcode落單。Ok無問題，我一掃code，全部野都load唔到，我以為係我手機信號問題，點知連了店內wifi 都收唔到。始終還是要問侍應拎menu睇，之後三個侍應即刻衝過黎，話 : “唔係load唔到，睇到無相就係未有相。” 既然QRcode落單系統未完善，就唔好咁快推岀黎啦。相都無張點落order呢，咁基本既野都做唔好，仲咁理直氣壯。
第三，我們叫左一份雞肉，點知上到黎準備烤先發現個雞肉其實係雞排黎。一份雞肉有兩塊雞排，完全冇幫客人切開。除左雞肉，連份泡菜煎餅都係咁，成個pizza咁大個先求求其其切了兩刀開四塊。個雞排咁大塊真係唔知點煎得熟，熟得黎都夠鐘交枱走人了。你唔切咪我自己切，麻煩侍應拎把刀黎，侍應又係一句 : “我地無刀” 就完。咁大間餐廳一把刀都無？
第四，我們叫左一個泡菜湯，岀面食開的韓國餐廳幾乎每一間都會跟個飯。呢間無，都唔緊要，我加$12追加一個白飯，另加一杯飲品。飲品好快就到左，但個飯就十五分鐘都未到。我舉手同侍應講漏左個飯，佢理都唔理我，我以為佢聽唔到。
點知佢轉頭就拎左個飯比我，仲要係黑面咁扔落黎枱度，服務態度非常差。之後燒肉個架燒黑哂，侍應唔會主動換都算，舉手叫侍應換一個，扔飯果個侍應就話 : “其實你地叫人黎要用QRcode！” 其實唔係介意要用QRcode，但不論係帶我們入座既侍應，定牆上告示，都完全無同客人講過要用QRcode，唔應該老奉要客人自己知點用。
第五，我們食完飯之後，夠鐘交枱，我們已準備埋單，我朋友就去個洗手間，侍應就黑面走過黎講: “要交枱啦！"完全等唔切想即時趕我們走。我都見到餐廳周圍都有貼告示，寫住"用餐時間為1.5小時，勿乞時"。但用餐當日係平日，周圍好多空枱，亦無客等緊位，是否有必要咁無禮貌咁趕客走呢？我們食唔哂問侍應拎外賣盒，佢只答我一句”一蚊！” 我們唔係無錢比，啲告示仲要白紙黑字寫到明勿乞時，真係當客乞衣？
平心而論，旺角店既食物質素唔錯（對得住個價錢），餐廳環境亦算坐得舒服，有私隱度。但侍應既服務態度真是不知所謂，零服務可言，仲食到一肚氣，貼錢買難受，根本唔值得比 10% 加一服務費。
一餐晚飯人均二百幾，咁既價錢換來的是咁既服務質素。同喜來差不多價錢、服務做得更好既韓國燒烤餐廳大有人在，我唔會再幫襯。
张贴