影片
更多
2004-11-15
8 浏览
上星期六同班朋去食火窩. 事前睇呢道既評語, 已經知道服務麻麻, 但成日見佢咁多人等位, 始終都想試一次. 我知道呢間野book左檯都要等, 所以book 8:30pm, 特登8pm就去等. 諗住book左再早半個鐘去, 應該可以準時入座喇o掛, 我俾錢黎做客人做到咁到算係仁至義盡啦. 但原來都係唔得既. 我一路等, 佢一時又話下一張檯到我, 一時又話仲有3,4張檯, 結果到我地終於入到去坐落檯既時候, 已經過左9pm.等左成粒鐘, 已經等到我慶慶地架喇, 只想快D叫野食. 叫左好耐, 先叫到個人埋黎同我落單. 我遞左張剔好晒既火窩料單俾個侍應, 咁以為攪掂啦, 仲未得.“阿先生, 我地今日XXX特價喎, 試唔試下呀?”“hm,我地睇睇先啦”“仲有我地呢樣XXX又係特價喎, 要唔要試D呢?”“er, 唔使住喇, 我地睇下先啦”“每位客人會有半個魚頭既, 可以轉海鮮唔使加錢架喎, 轉唔轉呢?”“哦, 轉啦轉啦, 要XXX啦”“火窩料無咁快到架喎, 要唔要叫D小食食下先呢?”“唔使喇! 我地唔要小食喇!”(我心諗, 你唔落單緊係唔會有野黎啦)“咁頭先講果D特價既XXX要唔要呢?”“阿小姐,
等左成粒鐘, 已經等到我慶慶地架喇, 只想快D叫野食. 叫左好耐, 先叫到個人埋黎同我落單. 我遞左張剔好晒既火窩料單俾個侍應, 咁以為攪掂啦, 仲未得.
“阿先生, 我地今日XXX特價喎, 試唔試下呀?”
“hm,我地睇睇先啦”
“仲有我地呢樣XXX又係特價喎, 要唔要試D呢?”
“er, 唔使住喇, 我地睇下先啦”
“每位客人會有半個魚頭既, 可以轉海鮮唔使加錢架喎, 轉唔轉呢?”
“哦, 轉啦轉啦, 要XXX啦”
“火窩料無咁快到架喎, 要唔要叫D小食食下先呢?”
“唔使喇! 我地唔要小食喇!”(我心諗, 你唔落單緊係唔會有野黎啦)
“咁頭先講果D特價既XXX要唔要呢?”
“阿小姐,我地硏究下先啦! 你落單先好無! 我而家淨係想食野o者! (我已經用好強烈既語氣講架喇)
“唔係喎, XXX特價喎, 你要唔要D?”(個侍應好似聽唔到我講咩咁)
“小姐,我而家想食野呀,其他野我地自己硏究啦!!!”
終於, 擾攘左差唔多十分鐘(以上只係簡化左既節錄,個小姐反覆問左好多次重覆既問題), 佢先肯去落單. 我未試過餐廳侍應都可以咁hard sell. 我懷疑呢道D侍應都唔知係咪有commission收既.
唔係淨係個別侍應, 其他侍應都係效率極慢, 平均舉起隻手30秒先會有人睇到(只係講緊有人睇到, 唔係講緊有人埋黎serve你). 我地6個人, 埋單每人$180, 食物算ok, 但又唔係話真係好好食, 再加上咁既服務, 根本絕對唔值得俾個咁既價錢受D 咁既氣. 我以後都唔會再去.
张贴