影片
更多
2023-04-30
732 浏览
今日去咗岩岩新鮮出籠嘅米芝蓮⭐️⭐️嘅「營致會館」。坐落於喺中環嘅「營致會館」，其實早幾年已經一直摘星，餐廳出面完全睇唔出入面原來內有乾坤。一入到去上樓梯，就有職員招呼我地，就算好似我呢啲生客，一講完個電話號碼，佢都會記得我留咩名，呢點都好細心。之後職員安排咗角落位嘅枱俾我地，驟眼睇餐廳入面唔算多枱數。張餐枱係用大理石去做，有別於其他中菜廳。因為今日我同另一半都唔算太特別有胃口，所以淨係嗌咗佢地招牌嘅「貴妃雞」、前菜就嗌咗「滷水豬腳仔」、素菜就嗌咗「鮑魚汁家鄉炆釀豆腐」。「滷水豬腳仔」作為前菜原本以為係冷盤，原來係熱食黎，但我同另一半都覺得有少少咸，只能算不過不失。「貴妃雞」其實係一樣周圍都有得食嘅餸，但究竟點樣另呢樣咁平民嘅食材上到大枱，先至真係考驗廚師嘅功力。面「營致會館」嘅貴妃雞，確實做到所謂嘅功價，咬落去有咸鮮味，雞皮酥脆不膩，雞肉嫩滑多汁，就連雞胸部分嘅肉，都可以做到唔「鞋」口，非常厲害。而最後一道「鮑魚汁家鄉炆釀豆腐」確係出色，職員上貴妃雞嘅時候都有問我哋要唔要飯，因為怕我地就咁食會太咸，但因為我同另一半都係少食澱粉質嘅人，所以就無嗌，但到呢味釀豆腐，職員再一次問我哋要唔要白飯
「滷水豬腳仔」作為前菜原本以為係冷盤，原來係熱食黎，但我同另一半都覺得有少少咸，只能算不過不失。
「貴妃雞」其實係一樣周圍都有得食嘅餸，但究竟點樣另呢樣咁平民嘅食材上到大枱，先至真係考驗廚師嘅功力。面「營致會館」嘅貴妃雞，確實做到所謂嘅功價，咬落去有咸鮮味，雞皮酥脆不膩，雞肉嫩滑多汁，就連雞胸部分嘅肉，都可以做到唔「鞋」口，非常厲害。
而最後一道「鮑魚汁家鄉炆釀豆腐」確係出色，職員上貴妃雞嘅時候都有問我哋要唔要飯，因為怕我地就咁食會太咸，但因為我同另一半都係少食澱粉質嘅人，所以就無嗌，但到呢味釀豆腐，職員再一次問我哋要唔要白飯，話個汁用黎撈飯好正。之後都係嗌咗一碗飯share，確實豆腐做到外脆內軟，鮑魚汁亦都恰到好處唔會過於咸，用黎撈飯唔會覺得太重味。
之後甜品環節就嗌咗「雪耳紅棗燉晶梨」同埋「營致甜品碟」。「雪耳紅棗燉晶梨」食得出梨嘅甜味同埋落咗心機去燉煮。反而「營致甜品碟」個三款紫薯西米焗布甸反而作為甜品太過飽肚，白眉椰汁紅豆糕就一般無咩記憶點，最後個麻香雪燕焗酥餅就好似食緊老婆餅咁，完全唔知係雪燕黎。😂埋單三個餸，再加兩個甜品，總共HKD$1,167。
總括而言，最令呢餐飯喜出望外嘅係佢哋嘅服務，確實係做到細心，食客至上，好多位都係從客人角度出發，而餸菜方面我能夠講係over the average，但最想試嘅腸粉就只有lunch menu先有，或者下次有機會lunch再試過。
19 浏览
0 赞好
0 留言
20 浏览
0 赞好
0 留言
21 浏览
0 赞好
0 留言
20 浏览
0 赞好
0 留言
张贴
