Top Blade Steak Lab (梭椏道)

营业中

休息中

Lunch無訂位即興Walk in 碰下運氣, 早咗到咪靜靜地坐定定等開門，無人理都預咗，無幾耐準備開門有位先生同我講今日好full要等陣，一家咪乖乖喺門口繼續等，一切暫時都唔係問題，之後訂咗位嘅人到咗有得入去坐都好合理，但坐多成10分鐘都冇下文，咁我其實係咪即係要等到你翻枱？其實你直接同我講今日無位可能要等一段時間就可以，見你哋繼續埋首工作不聞不問，我亦好自然會決定到下一步。不過想比你哋知道，30幾度坐喺你哋門口唔係一件有趣嘅事，大人忍得，小朋友都忍唔住。我一直都有幫趁開你哋相安冇事，但今次令我打咗第一篇食評，你哋都算威啦！一粒星都不足以表達嗰種失望，係不願置評⋯⋯ btw 希望你哋父親節快樂，做多幾枱，我繼續曬太陽吸收維他命D。