Saffron (已結業)

一早要去報名參加暑假活動，趁未開始時去附近食個早餐，天氣好唔穩定，間歇性大雨，唔想行大遠，去廣場揀咗間呢間，地方好大，唔使等位，環境好舒服，配搭好得意，好似屋企客廳+咖啡店+糖果店嘅混合體，中央兩大張梳化連茶几，靠牆有個櫃放滿好多不同款式嘅糖果，又有海豚搖搖玩具，仲有一大箱玩具比小朋友玩，氣氛好輕鬆！其他位置係籐椅加小圓枱，場內有一枱外國人，我哋坐小圓枱（不過發現係歪嘅）我再去櫃檯買餐，餐牌全英文（我都有點擔心講英文）好在店員係中文人，佢有講解，有推介，落好單見可以八達通比錢，點知壞機，所以改用信用卡！（不過埋單佢只比信用卡收據，無比餐廳收據，所以都唔知實際有無加一）店員會問定我嘅座位！之後攞餐比我！All day breakfast($115)賣相唔錯，麵包可以揀，我揀了麥包，微脆，有咬口，幾好！牛油幾香！雞蛋都可以揀煮法（所以怕要用英文講）我揀炒蛋，炒蛋比較老，唔似平時茶餐廳咁滑！無乜味！蕃茄唔夠熱，茄汁豆唔係平時嘅罐頭，味道好怪，酸酸地好似乳酪味咁，唔習慣！香腸係唯一好味，脆皮又夠熱，有肉汁！Mocha($35)紅色瓦杯，不過比想像人賣相求其，泡沫無拉花，仲唔挺，味道朱古力味重啲