完美咖啡室 (已結業)

網上睇食評同埋啲相見幾吸引幾靚，於是襯朋友生日，過嚟現成買切件蛋糕，可能太夜7點幾先嚟到，現成冇晒焦糖脆脆蛋糕，問老闆娘仲有冇，佢好好人，就收舖都肯為我再整多件焦糖脆脆，仲問佢可唔可以加生日牌都肯即場幫我加(雖然要加錢$10，但有d加錢都唔肯，仲要佢以為我買一件)，後尾買多3件(冧酒提子芝士蛋糕，朱古力松露蛋糕，玫瑰黑加倫子蛋糕)，個餅廚仲細心提我d脆脆唔好放入雪櫃，食嗰陣時先好沈喺面。走嘅時候亦都好有禮貌送我走。個人最鍾意朱古力松露蛋糕朱古力松露蛋糕，啲朱古力回甘味真係好正，同d松露好夾，又唔漏。玫瑰黑加倫子蛋糕好特別，個味道好fresh，好清新。焦糖脆脆蛋糕d脆脆真係好得，唔會好硬，但又好脆身，忌廉夠滑又唔會好甜好漏。冧酒提子芝士蛋糕反而最失色，唔太食到冧酒味，提子乾亦小。