霸嗎拉麵 (已結業)

之前喺登龍街食過一次，覺得呢度嘅拉麵好好味，於是又來食多次但先發現原來佢搬咗位，咁見到由於佢搬咗都唔係好遠 ，我哋都照樣去搵！真好見到裏面有空位，外面又冇人排隊！可惜係企左一陣都完全冇人理，主動揮手，隔咗一陣先有個女人比張拉麵紙你剔...但究竟係張枱未OK? 又或者係剔完張紙先入得？佢完全冇出聲！於是我哋好快tick 完就行入去啦！跟住就比個戴眼鏡嘅阿叔，即時趕返我哋出去！話張枱未得，叫我地出返去等！（咁當然係無禮貌啦！）呢位大叔對於其他客人態度都奇差！見有客人用左 D 毫子找數，佢話唔收仲喺度大個客，話係全香港都有好多食肆唔收，唔係淨係佢唔收，唔信叫佢問吓！唔收咪唔收囉！使唔使咁串呀！之後有客想入架BB車，佢已經第一時間用「勁好嘅態度」講BB車唔入得，BB車唔入得，直情好似想趕個客走咁！我同朋友都覺得啲態度仲衰過茶餐廳！ 茶餐廳嘅態度有時都好好！今次食咗嗰個玉子豚肉拉麵係好味！豚肉仍然係一貫地厚，肥肉好香，真係好邪惡！餃子就麻麻！但由於服務問題，食完係完全唔想逗留，想盡快離開！同以後都唔會再幫佢呢一間銅鑼灣店！劣評是給服務，不是給味道 味道是 ok 的！