Espuma (M88)

营业中

休息中

得幾個待應，除了一個較肯理人之外，其餘都木口木面。上個湯和主菜都等超過30分鐘，根本無人理，要催至再去跟。有個四眼下巴留鬚的待應哥哥最差，睇住佢在場遊下遊下hea做，佢落單時零反應、上主菜時明明見成枱頭盤的碟和湯碟，竟然側側膊想就咁走，要叫住佢至攞走的碟。雖然食物尚算ok (註: 海鮮扁意粉的意粉未完全煮開，有些位置是較硬的)，分量也不少, 但服務就差到令人卻步，比正常茶餐廳都不如。食嘢係求開心不是去睇您啲待應面色，真係食得個心好唔舒服好多個食評都話這裡環境好、外邊風景好，但實際環境都幾嘈，枱都較密和得幾張枱靠窗才有view。我同老婆都去過廁所，好細，得一格。男廁多個尿兜但在廁格門口，想行都難! 而且個地又濕、燈又暗，衛生認真麻麻。唔會再來。