金東大蜑家私房菜

十幾年街坊，細個成日同屋企人食，大左之後都冇黎過，今日經過見到個下午茶餐，平平地諗住試吓，
叫左梅菜肉餅煲仔飯同豬扒蛋煲仔麵，原來無煲仔飯，落單個阿嬸係唔會話返比你知⋯黎左個麵，第二個侍應先話比你知無煲仔飯🤷🏻‍♀️，咁叫瀨粉，又無⋯咁就算啦，唔叫啦😐（下午茶時段2:00-4:00）但果時2:30都未到就無晒煲仔飯類同瀨粉⋯
食物不過不失，但服務真心差，講真唔係要五星級招呼，但最基本，無果個餐係咪都要話返比個客知？完全唔出聲，如果唔想招呼，不如好似啲連鎖餐廳咁比個code人哋落單啦，咁咪慳返人手落單囉！
不過，有個小驚訝位！（豬扒蛋煲仔麵）個餐牌上面個價錢明明$43，但佢張單收$38🤔，收平左$5？但唔重要啦，反正已經無下次😐⋯