NeNe Chicken (新都會廣場) (已結業)

之前在旺角分店食過幾次味道唔錯，今次去葵芳分店叫了招牌+甜辣無骨炸雞雙拼、明太子蛋卷、鐵板年糕拉麵。招牌炸雞淡而無味，唔點醬係食唔落，甜辣炸雞正常。明太子蛋卷及鐵板年糕拉麵好味，但可惜唔夠熱。入座時3點幾，只得兩枱客，唔明點解上菜時唔係熱辣辣囉？！負責埋單個位人兄黑口黑面，問佢張單要唔要簽名又唔答你，一手遞張收據比你又多謝都無句。莫非走剩我地枱客阻住佢收工，令我地對此店留下不良印象。奉勸個位人兄，著住套制服就代表你公司，做得服務行業應尊重客人，即係尊重自己職業。