NeNe Chicken (新都會廣場) (已結業)

你到葵芳新都會廣場嘅地下見到呢一間係食炸雞嘅餐廳等一陣嘅時候好快就入到去，因為入邊都有位嘅咁我哋係嗌咗個韓式壽司一份炸雞套餐食嘅味道就一般般韓式壽司都係普通一個手卷而且炸雞呢唔知點解感覺好似唔係新鮮炸出嚟，咁佢出到嚟亦都唔算話新鮮滾熱辣啲皮亦都唔係話太脆好一般一定好似擺咗一段時間先拎出嚟咁嘅嘢食可能唔夠客嘅關係啦，我唔知啦但係間嘢嘅衛生程度相信有待改善，因為所有嘢都好污糟地下又黐油立成個環境感覺都唔係太好…查看更多

Nene chicken係香港都開左好多分店原來佢平日lunch都幾抵食！買3送1咁就一於同同事一齊食啦！蘑菇炒粉絲料係非常足但粉絲有點唔熟非常非常煙靭，咬到牙較都攰日式咖喱蛋包飯+炸雞蛋有點兒over cook:(咖喱亦都唔係日式個個….有dd鹹炸雞就不錯！因為原本出名炸雞嘛牛肉石鍋拌飯配菜同料都好足！味道亦唔會死鹹！$58蚊呢個價錢真係抵食呀韓式炒牛肉飯竟然有個蛋蛋同紫菜！呢個真係令我最驚喜份量都好適中！牛肉有少少過老但係配埋紫菜一齊食味道昇華左…查看更多

NENE CHICKEN 今次想睇戲之前食d野就簡左食韓國野 nene chicken呢間野都幾出名 入到去個環境一般都坐得幾逼下地板都有D污糟我地叫左炸雞, 飯團, 明太子蛋卷炸雞都正常發揮但個飯團真係比較一般 普通既飯 加紫菜明太子蛋卷真係唔洗叫我以為蛋卷入面有芝士之類結果係紅椒….明太子仲要好腥 最後無人想食..食剩左勁多…唔會再食了…查看更多

The taste of the chicken depends on the style you like. Taste are varies. If you are a fan of fried chicken, I certainly recommend you to try once. A little pricey if I compare it to other similar fried chicken offers. Decorations are averages. …查看更多

呢間韓國連鎖炸雞好出名～作為炸雞愛好者嘅我梗係要去試吓啦！不過期望越大失望越大🥺Cheese Snowing Fried Chicken初雪炸雞當日係平日下就 非繁忙時間落完單之後等咗好耐 差不多20分鐘而當時係得我地一枱客當時職員話係即叫即炸，咁要等都合理但係上到黎完全唔覺得係即炸☹️首先唔係熱辣辣嘅..☹️大家都知食炸嘅嘢梗係要熱辣辣食先會脆卜卜🥺所以個炸雞唔脆..☹️二黎仲要都好乾下..講緊即使係雞翼、雞鎚嗰啲部位都係唔Juicy同埋個芝士粉偏甜不過呢個係我個人口味～整體嚟講有啲伏..😕當時根本無咩客，正常可以更好地控制品質唔會有下次了🫢🫢…查看更多

新都會許多食店，花多眼亂，但午膳時間的確多人。當然，好的食店不是要排隊，就是座位擠逼。我一個人要找食，應該容易得多。見到這店不用排隊，又有位，盡管一試。坐下看餐牌，款式不少。店員放下一碟三款的韓式前菜，有泡菜、酸青瓜粒和酸白蘿蔔。我落單叫漢堡果個餐，這個餐看來很吸引，還配薯條。點知，店員話冇。我再叫吉列豬扒也都無。已後悔想離座🤨⋯⋯最後叫了燒牛肉炸雞蛋包飯。很快便上菜了。第一眼是後悔，個「蛋」的顏色很淡，像差的茶記所炒的蛋。嚐吧！飯較濕，第一口感覺少許甜味。難道我錯覺？飯中有燒牛肉，有碎碎的，也有一舊舊的，份量是感意外的足。飯中有少許洋蔥，咦，還有幾條鹹酸菜。雖然，賣相和配搭都一般，但食下食下，開胃了。最後連飲品，$82埋單。呢個價錢，我寧願食其他，不過炸雞件是香酥且脆。始終午市繁忙多客，主餐牌雖多款式，但問了三款都話冇，欠缺就真的令人不爽。…查看更多

星期六上完花花堂，通常買埋外賣返屋企，唔使煮又可以省返運費。我今次又係用外賣APP,搭緊車的時候落定order, 去到就即刻有得攞，分秒必爭。其實係唔想企係度等佢出餐，老人家唔企得😅 精明就是我。週未就食個cheat meal, 㨂咗NeNe chicken. 由於自己一個食唔到多，叫咗個輕量級。細細份，一個人食都好飽肚。不過輕量級就冇得揀有骨，我鐘意有骨多少少。雖然是輕量級，價錢又實惠，但都有俾埋酸蘿蔔同醬汁。大蔥炸雞係原味炸雞加大蔥，睇落冇乜特別，但個醬汁帶少少芥辣味，開胃之餘又可以解膩，不錯😌價錢：$50 (OK）食物：好味道 (外賣返到屋企都係脆，唔油又唔乾）服務：準時（用APP叫定，去到有得攞）…查看更多

約王小姐食飯啦，幫佢買左野順便俾埋佢，一舉兩得🥳王小姐約左我係新都會等，咁就係新都會入面搵野食啦，行行下見到有間Ne Ne Chicken🐣, 是日晚餐就係佢啦，韓式炸🐣，I’m coming😋一入到去已經擺左前菜係度（蘿白、泡菜、青瓜），食完可以再加。我地叫左個二人餐，包無骨炸雞（半份），可以雙拼，再加2份主菜，仲有2杯野飲。韓式甜辣炸雞拼招牌炸雞（無骨）- 甜辣炸雞🍗甜甜辣辣好惹味，招牌炸雞🍗香脆Juicy迷你明太子雞蛋卷🥚- 有蕃茄醬🍅同沙律醬伴碟，一切開明太子醬流哂出黎芝士年糕伴拉麵 - 面鋪滿芝士，拉麵索哂d汁，入汁入味，仲有雞蛋、魚糕等配料，非常豐富青提子Soda - Soda水偏少，似青蘋果🍏茶多d西柚柚子茶 - 柚子味香甜…查看更多

今次就帶大家嚟到位於葵芳新都會廣場一間食韓國炸雞嘅餐廳，堂食只可以叫全份，份量太大兩個人都食唔晒😂，我哋就叫咗個雙重滋味炸雞。韓式甜辣炸雞：甜甜的辣醬配上炸雞，別有一番風味😋😋😋白郡主炸雞：白色既甜Cream配上軟腍腍洋蔥圈😋😋😋配合燒酒，天衣無縫👍🏻👍🏻👍🏻…查看更多

肥b想叫雞😆 見人介紹都唔錯，所以揀咗哩間。早食啲果然唔洗等，入座時仲有位可揀。店面唔算大，座位都唔多，二人枱大部分都係四人位中間隔塊膠片。原本想叫炸雞+部隊鍋+粉絲，點知炸雞竟然有15件😅 而職員話葵芳哩間分店竟然冇部隊鍋，仲要係淨係哩間先冇😫 最後就叫咗個大拼盤+粉絲。✨前菜坐低就送上前菜，醃蘿蔔同青瓜幾入味，泡菜唔會太辣，酸酸地咸咸地咁幾開胃。✨金大人串燒拼盤 $182拼盤份量唔少，成碟放到滿哂。串燒拼盤有糯米釀雞翼、芝士磨菇釀雞翼、原味炸雞、炸薯條、炸魷魚同埋炸蝦餅，另外中間仲有一個滿滿芝士醬嘅農夫包🍞 炸雞外層香脆，雞肉嫩滑；糯米雞翼有少少辣辣地，餡料爆滿，外皮同樣好香口；芝士磨菇雞翼味道濃郁，芝士味好香，同樣外脆內軟；其他炸物都保持食材原味，外層炸得卜卜脆😋 芝士醬配農夫包真係超正，芝味濃濃🤤✨濟州海鮮炒粉絲 $92粉絲夠煙韌好好咬，配青口、大蝦同埋蜆肉好鮮味，不過份量唔算好多。✨西柚柚子茶 $38西柚嘅酸酸澀澀，加埋柚子嘅甜度，味道就剛剛好，飲落都仲有我喜歡嘅微澀感😍✨韓式冰茶 $28以為韓式冰茶應該都係凍檸茶，飲落竟然帶淡淡蜜桃味，香甜幾好飲🍑🔍整體感覺：職員服務態度好，食物上菜速度都算快，唔洗等好耐。雖然只係叫咗兩款野食，但份量好夠食，拼盤每樣少少，但因為有芝士醬農夫包，所以絕對夠飽肚。我私心推介金大人串燒拼盤，農夫包鋪滿芝士醬好好味，其他炸物點芝士醬都一樣好味，醬汁果然好百搭😋…查看更多

.雖然而家可以晚市堂食但都有想掃街既心🫣去葵芳諗住四圍食下野但收工又落雨 真係只想坐定定咁就去左食炸雞🍗兩個人叫左二人餐諗住又抵又多款食下不過當上菜後真係後悔了😂😂太多澱粉質如果下次食 會重視食雞二人餐包括炸雞細份 可以雙拼要加錢 我地叫左兩款味道炸雞幾好食😋再包兩款主食類分別叫左炸蝦🍤蛋卷同海鮮炒粉絲個卷物比想像中大份但味道一般炒粉絲就好油食完好有罪惡感另外包左兩杯飲品乳酸飲好解渴值得一讚前菜（泡菜 醃蘿蔔）可以免費添加加左兩次蘿蔔好開胃👍🏻…查看更多

真心十分難食，叫咗一份炸雞，一半招牌炸雞一半甜辣炸雞，啲炸粉厚到仲多過啲肉，似食炸粉多過舊肉。仲嗌咗一個明洞小食派對，啲年糕都仲ok，但就少到可憐，得嗰4至5舊左右，個魚糕串係冇咩味，十分難食，仲有幾舊炸壽司，食落去根本唔似係壽司味，勁似食緊廚餘咁，炸粉絲又係咁，仲有幾舊炸雲吞咁嘅野，啲餡嘅味道都可以，但個皮又厚又韌，根本都唔似係炸物。同埋嗌咗個吞拿魚手抓飯，啲飯味道好一般，口感都好奇怪，我去食個白飯加紫菜都好食過呢個。總括而言，貴得黎又唔好食，宣傳得幾好都冇用，好似洗錢食豬潲咁…查看更多

呢間韓國餐廳嘅炸雞🍗就食得多 但我反而更加鍾意佢哋個芝士火鍋🫕個皇室朱肋骨全份 份量真係大到嚇死 有兩條超長嘅豬肋骨 好多肉唔會剩係得骨 再點埋個芝士一齊食 真係超級邪惡！仲有一大堆薯條喺隔離 真係超級豐富😍…查看更多

以前最多都係食kfc好耐之前朋友有推介過不過一直無試直至上年聖誕開Party 有朋友想食炸雞就諗起有人推介過nene chicken於是決定買佢黎試一試一試就愛上 無論係辣既定唔辣都好好食我試過既有 韓式甜辣炸雞，初雪炸雞，大蔥炸雞以及隊長辣炸雞 甜辣辣味五刺激 岩曬五太食得辣既朋友初雪既芝士味好正 入面仲有薯片同薯條 大蔥炸雞中規中矩 大蔥味都重隊長辣炸雞對於五食得辣既朋友仔就偏辣 不過會食得好爽飯類方面就試過芝士蛋伴牛肉炒飯同芝士蛋伴泡菜炒飯 本人因為唔太好泡菜所以比較鐘意手肉炒飯既鐘意食炸雞既朋友不妨一試會愛上嫁…查看更多

呢排留喺屋企抗疫多，開咗幾套韓劇出嚟睇，自然就忍唔住想食韓式炸雞，於是乎就去咗叫外賣，雖然炸雞嚟到會變到唔脆，但係有醬汁就唔同。炸雞食落都幾有肉汁，幾好食。芝士年糕變冧咗，但係都好味嘅。雖然價錢有少少貴，但係終於可以一解韓國癮，呢間都係一間好食嘅韓國餐廳。…查看更多