忠孝東路

营业中

休息中

琴日約左朋友一家三口去尖沙咀傾野，佢地有個小朋友兩歲左右，搵到isquare呢間忠考東路。入座時成間餐廳未有咩客，大家都唔忙無野做，我朋友坐低就開始餵小朋友粥仔，後來我朋友好禮貌咁問待應會唔會有BB椅，一個大陸口音年紀大既女待應走埋黎皺晒眉好惡死話無架我地呢度無BB椅！當時基本上得我地一枱客，我地三個大人當堂O晒咀，我話我地唔係大陸人喎，使唔使用呢D語氣對我地呀？！個女人之後仲話，咁係無呀嘛，一早同你講左無架喇！我頂，我叫佢另一個年紀大既男人過黎，著唔同色既衫，我話點解你既伙記咁無禮貌，D語氣咁差對客人？？佢話個女人係咁講野，事實上真係無囉。。。哇，你地請唔到人都唔好求其搵呢D伙記招呼人呀！之後送三份餐黎，全部係掉落我地枱面，碗碗湯都係倒瀉既！成個過程仲衰過茶餐廳。佢地應該只招待所有唔好有要求、有問題既客，安安靜靜入座叫野食食完就走果D OL客。。。！我真係祝佢老闆生意長做長有，咁有眼光請呢D伙記。食到一肚氣。