清溪川韓國食堂 (已結業)

成十點先入去食, 開頭都以為佢地d服務員唔多出聲, 好似唔想彩你咁, 其實佢地唔識講講廣東話, 我諗因為咁...俾人誤會佢地態度唔好~入到去坐左一陣, 決定點個2人餐, 餐前小菜都有8款, 我地點的套餐包括一客牛肋骨, 一客牛脷, 一個海鮮湯, 加一碟炒年糕...先上一客牛肋骨, 一條好長的牛肋骨, 肉的部份有前臂的長~看到我目定口呆~嘩~~~全程佢幫你燒同埋剪, 差唔多ok, 佢仲教你加生菜, 加d香草, 加埋d醬~ 咁樣食係最好食的! 令我忍不住要落手~hahaha~如果唔包都得, 佢有醬油俾你點, 不過我覺得唔包生菜, 就好似去左港式韓燒~~再黎牛脷, 佢都會幫你放, 但到後段..都係自己黎~ 因為不難控制~牛脷切薄片, 感覺無咁爽口, 但係都ok 好食~海鮮湯辣辣的都幾暖胃~ 今日20度的天氣剛剛好~ 材料唔算好靚, 但都幾豐富~有蝦, 有瀨尿蝦, 蜆, 同埋八爪魚, 自己本身不太食咸, 所以覺得偏咸!炒年糕, 甜甜的, 辣辣的又幾好食喎~hahaha~份量都唔少架~加埋餐前小菜, 2個人食一定有剩~開頭仲諗住唔夠食先再叫多d...點知原來可以咁飽~呢一餐真係好滿足, 唔似平時