影片
更多
2010-08-31
7 浏览
上兩個星期行過尖沙咀收倒呢間舖頭既 leaflets, 見個價錢都幾低, 於是就上網search 一下啦, 先發現呢間原黎係新開既, 大家既評價都唔錯(其實係得果幾個評價), 所以就決定去搵日去試下喇我呢d 師奶仔,咁就緊係揀d 平價d 既時段去食啦,(雖然最貴果個時段都只係百七蚊左右) 但為左慳得就慳同埋唔想同人迫既關係, 就決定六點前去到食, book 左 5點9, 早左5分鐘到達, 上到去都只係得幾枱客, 心諗: 究竟係我太早定一或間野唔係好得呢? 因為我有睇過呢間店(響旺角有間) 其中一d 食評話一般般, 但呢間又係新開既, 希望會好d 啦, 而且聽聞會有d '打手' 會上黎 openrice 果樹讚到間野超好食, 呃我呢d 無知婦孺去試, 希望我唔會咁不幸中招就好...... 一上到去就立即比左張 coupon 佢, (之前擔心我食最早時段咁平可能冇得用)之後佢就比低張 單既物體我地通知我地係幾多號枱之後就行開左, 不過轉個頭另一個waiter 就拎左兩碗翅比我地食 ( 但我唔覺入面有翅, 覺得佢可以慳返唔送好過, 因為我覺得大家都唔係因為呢碗野入黎) 食完之後就緊係第一時
我呢d 師奶仔,咁就緊係揀d 平價d 既時段去食啦,(雖然最貴果個時段都只係百七蚊左右) 但為左慳得就慳同埋唔想同人迫既關係, 就決定六點前去到食,
book 左 5點9, 早左5分鐘到達, 上到去都只係得幾枱客, 心諗: 究竟係我太早定一或間野唔係好得呢? 因為我有睇過呢間店(響旺角有間) 其中一d 食評話一般般, 但呢間又係新開既, 希望會好d 啦, 而且聽聞會有d '打手' 會上黎 openrice 果樹讚到間野超好食, 呃我呢d 無知婦孺去試, 希望我唔會咁不幸中招就好......
一上到去就立即比左張 coupon 佢, (之前擔心我食最早時段咁平可能冇得用)之後佢就比低張 單既物體我地通知我地係幾多號枱之後就行開左, 不過轉個頭另一個waiter 就拎左兩碗翅比我地食 ( 但我唔覺入面有翅, 覺得佢可以慳返唔送好過, 因為我覺得大家都唔係因為呢碗野入黎)
食完之後就緊係第一時間叫刺身同野飲啦, d 刺身大部份都唔錯(本人覺得'車子'唔太好食) 而且仲有我最鐘意食既北寄貝添, (呢個真係唔係間間有架, 所以真係值得一讚) 而且刺身類都有好多選擇, 唔似其他果d 放題店得果3-4款, 但我地就冇試晒咁多款, 因為有d 魚我係唔食既 杯野飲都唔錯, 但好奇怪, 唔知點解我第一次叫果杯同第二次果杯係唔同既(明明都係叫緊咩蜜桃特飲. 第一杯有氣第二杯係冇氣 (唔like ).... 問返個waiter 佢話應該係冇氣架喎, 咁我第一杯飲既究竟係咩) 之後叫左杯咸o七 都ok 既, 但就冇咩咸味, 雖然係咁但都覺好好飲, 其實我地都係主攻刺身, 其實野好少食
另外我地仲叫左
1. 東陰公蜆 <~~ 冇東陰公味, 亦都冇蜆味(其實都唔知咩叫蜆味) 返正就係冇味
2. 天婦羅( 蝦, 南瓜同埋蕃薯) <~~~ 呢個好味, 大家可以叫黎試下, 但蝦d 粉就多左少少, 我覺得蕃薯係最好味 (所以呢個有 re-order)
3. 蒜香牛肉 <~~ 牛肉好'淋' 亦都好好味
4. 咸魚炒芥蘭 <~~~個名好似係咁, 呢個都好食, 好有咸魚香
5. 麵豉湯 <~~~ 同出面果d 差唔多, 唔係即沖既, 好飲 ( i like it)
6. 蟹子沙律 <~~~ 呢個我只係食左少少, 因為係友人叫, 佢話唔錯, (佢仲問點解冇得齋叫 蟹子添 )
7. 牛油果軟殼蟹卷 <~~~ 友人話只係一般
8. 春卷 <~~~ 熱辣辣好味
9. 火灸三文魚同埋帶子 <~~~ 都唔錯, d 汁都幾好
10. 芝麻雪糕 <~~ 係雀記細杯裝, good (因為之前諗住間野食左save cost 會自制icecream)
好似只係叫左呢d ,有d 都冇影相, 食完上面果d 已經飽到唔想郁, 為有等下次有機會再試其他野, 走之前發現佢寫住 5位以上有 95折, 10位 就有 9折, 大家如果下次去食時可以打去問下, 聽講生日仲有 cake 送, 但呢個就冇寫響張單上, 所以唔知係咪真......
另外我覺得呢間野既裝潢都唔錯, 原黎入面都有卡位同埋吸煙區 (我見係露天同埋有個煙灰"中" 響裝枱上面, 但就冇人坐既, 唔知係未開定係點......因本人不吸煙所以都冇問) 食到大約七點, 出面就開始好多人等位, 走既時候有少少困難, 因為門口位好細, 另一個唔好處就係呢間店既時間太迫, 食左一個半鐘就已經要last order(d waiter 都會提你既), 個人認為如果大家要同d 朋友傾下計就唔係好岩,
最後想講既就係呢間野 d service 真係好得, 我估原因之一應該係我地係第一批客, 咁早冇咩客, service 就自然好, 佢地個個都好有禮貌, 而且waiter d 動作極快,食完d野果隻碟放低唔夠10秒就已經比人拎走左 最耐果次都只係放左響樹一分鐘就收左, 真係不得不讚佢地勁~ 另外叫左幾次野食都只係溜左一碟姐, 都唔錯, 溜單情況唔嚴重, 但唔知開得耐左之後間野會唔會差左就真係要拭目以待喇
张贴
