板神鉄板燒日本料理 (信和廣場)

营业中

休息中

男朋友帶我去食鐵板燒料理，好似係我第一次食鐵板燒，可以望住師傅喺你面前處理牛肉同埋海鮮都幾得意。板神係喺信和廣場度，未去之前唔知道原來係咁大同埋咁高級嘅。我哋同另外一台客人share一個四人嘅包房，今次就叫咗富士見一人前嘅美國牛肉套餐。板神嘅食材好新鮮，全部都選用時令日本生鮮，其中嘅日本珍珠洋蔥，清甜似水果，甘筍沙律新鮮清爽，帶子刺身甘甜，新鮮程度可見一斑。我最鍾意佢嘅牛扒，叫左medium，有牛味之餘，配搭海鮮醬、岩鹽或者味噌醬都好好食。師傅仲會夾啲炸蒜俾你配搭，如果鍾意食蒜頭嘅朋友唔好錯過！北寄貝配上特製海藻汁，龍蝦，以及美國牛肉，都係好新鮮，龍蝦放上枱都仲郁緊。師傅功架十足，每道菜都用心整理，牛肉嘅生熟程度掌握得好好。料理方便亦都好滿意，每樣食材都係時令嘅，而且種類好多，啱晒鍾意食唔同菜式嘅人。甘筍沙律令人回味，前菜拼盤有咸口，亦都有酸甜嘅海藻面同烏結芝士，開胃又好特別。帶子係最好食嘅，三件刺身真係不夠，仲想食多啲呀！最後甜品以糖同牛油鐵板燒多士，配搭雲呢拿雪糕以及酸酸甜甜嘅士多啤梨，超級滿足。