影片
更多
2023-10-04
630 浏览
不知不覺蟹仙已經開到第5間分店，今日我地去左銅鑼灣分店。食物 🦐🦞🐟我地叫左尊貴海鮮套餐，總共有十款食物。特別想介紹嘅有：加拿大大赤蝦 - 呢款蝦最主要食佢嘅蝦膏，好鮮甜好味，蝦身嘅肉亦都偏爽身，不會太淋。紐西蘭刀貝蚌 & 紐西蘭月亮貝 - 呢兩款都海水味好重，好鮮味。綠膏蟹 - 個蟹啲膏多到漏出嚟，啱晒鍾意食軟膏嘅我。太平洋饅頭蟹 - 店長推介我哋試下呢款特別點，比較少見。不過就真係唔多肉食，主要係食佢嘅海水鮮味。想食啖啖肉嘅你就最好揀返龍躉啦～由於本身嘅海鮮已經非常夠味，我哋全程都無點過調味料，唔想破壞佢嘅鮮味。份量黎講，食埋最後嘅海鮮粥剛剛好夠飽。不過如果比較大食或者你咁啱好肚餓，就建議叫多個肉類拼盤，有肉有海鮮更滿足。服務🧑🍳👩🍳不得不提嘅係呢度嘅服務真係好好。咁啱喺鯉魚門分店嘅經理過咗嚟幫手。佢逐一介紹每一款海鮮，好細心咁幫我哋蒸，基本上我哋淨係坐喺度傾計同等食😆聽聞鯉魚門分店仲有無敵大海景，下次帶埋一家大細日落時分去食應該會好寫意🌅👨👩👧👦
食物 🦐🦞🐟
我地叫左尊貴海鮮套餐，總共有十款食物。
特別想介紹嘅有：
加拿大大赤蝦 - 呢款蝦最主要食佢嘅蝦膏，好鮮甜好味，蝦身嘅肉亦都偏爽身，不會太淋。
紐西蘭刀貝蚌 & 紐西蘭月亮貝 - 呢兩款都海水味好重，好鮮味。
綠膏蟹 - 個蟹啲膏多到漏出嚟，啱晒鍾意食軟膏嘅我。
太平洋饅頭蟹 - 店長推介我哋試下呢款特別點，比較少見。不過就真係唔多肉食，主要係食佢嘅海水鮮味。想食啖啖肉嘅你就最好揀返龍躉啦～
由於本身嘅海鮮已經非常夠味，我哋全程都無點過調味料，唔想破壞佢嘅鮮味。
份量黎講，食埋最後嘅海鮮粥剛剛好夠飽。不過如果比較大食或者你咁啱好肚餓，就建議叫多個肉類拼盤，有肉有海鮮更滿足。
服務🧑🍳👩🍳
不得不提嘅係呢度嘅服務真係好好。咁啱喺鯉魚門分店嘅經理過咗嚟幫手。佢逐一介紹每一款海鮮，好細心咁幫我哋蒸，基本上我哋淨係坐喺度傾計同等食😆
聽聞鯉魚門分店仲有無敵大海景，下次帶埋一家大細日落時分去食應該會好寫意🌅👨👩👧👦
张贴
