路邊煱 (已結業)

好耐無上黎分享食評，希望今次係一個契機，繼續保持番打食評的習慣。今晚約齊朋友去土瓜灣開餐。先黎3款小食：麻辣豬耳陳醋野生雲耳椒鹽魷魚鬚3款小食，以麻辣豬耳最討我歡喜。入口微辣配合豬耳QQ的口感。陳醋可以一解麻辣，朋友話雲耳有益，女仕要食多d。椒鹽魷魚鬚，濃味之選！外層好香脆，配番杯啤酒一流！一輪小食過後，主菜上台啦今晚試左：花彫醉雞煱 +大腸哈哈，其他3位朋友仔都唔食內臟，大腸好明顯係為我而設。大腸越煲得耐，入口越滋味，吸哂濃濃湯底。入口柔軟~~雖然知道多吃無益，但忍唔住一件接一件。當然唔會得雞煲咁少，亦叫左材料打邊爐：手打四寶丸廣島蠔鮮柏葉手切本地肥牛拼牛頸脊炸魚皮手打牛根丸三寶餃~特別讚下小店，牛肉分2款，咁客人可以試哂2種口感、味道。肥牛入口即溶，而牛頸脊就比較有咬口，牛味亦較濃。第2樣要推介係餃子！皮薄餡多，唔係交行貨！另外試左2款丸：蝦丸墨魚丸爽口彈牙最後想講少少，以一般火煱店黎講，依間鋪清潔程度好好！！依樣要加分，連洗手間都十分乾淨。