滿江紅小甜甜 (已結業)

好耐無同朋友仔傾下斜摸下杯底，尋日同朋友食飯被推薦黎左呢間。有驚喜，我本身鐘意食辣，推薦麻辣田雞不可錯過，另加清炒土豆c&炸饅頭點佢既汁一流，不防試試佢。第二推薦茄湯魚煲都唔錯，個湯都夠濃茄味有食得到茄膏味之餘又有蕃茄酸甜，個人口味黎講甜酸適中，魚有炸過同冇炸過，我同朋友都覺得有炸過夠入味，飲埋湯簡直滿足。原味焗蜆簡單直接，食落鮮甜，好味過平時豉椒炒。另外都要講下d甜品都唔錯，南瓜🎃餅即煎仲熱辣辣唔算太甜，高力豆沙d豆沙都幾滑冇粒粒感，飲品火龍果汁好抵飲一大杯都係$38仲要唔算甜感覺原汁原味幾好味。不過呢間野越夜越精彩，想試又唔想排隊既朋友，記得唔好咁夜去食，因為朋友經驗係越夜越多人，排隊都需要d時間。但係不得不讚CP值都幾高，我地有飲酒🍻都係每人二百幾，整餐飯大家都食得開心又滿足☺️☺️