影片
更多
2023-09-04
246 浏览
🐙容記第一咀容記第一咀其實即係椒鹽炸墨魚咀，粒粒都好似乒乓波咁大，而且炸漿又薄又脆。咬落去十分之juicy，十分推介！好多餐廳都有椒鹽尤魚鬚，但墨魚嘴就唔多餐廳有啦，所以有機會嚟呢度不如試下吓呢個炸墨魚咀。🍲容記小炒王容記小炒王係呢度嘅招牌菜之一，火喉同埋鑊氣都十足。大大隻蝦乾非常香口配埋韭菜嘅爽脆，係一道非常值得推介畀大家嘅菜式！🥘海皇撈粉絲海皇撈粉絲份量十足，講緊除咗粉絲多、切成絲嘅椰菜多，海鮮配料都非常多，有魷魚、蝦米同蝦等等，每夾一下都有好多海鮮。而且海皇撈粉絲係用煲仔上，十分之惹味同有鑊氣！🐟焗魚腸老老實實，小編其實好鐘意食焗魚腸，因為味道真係好惹味而且好好送飯。但香港地唔係好多餐廳有做焗魚腸，難得見到容記有焗魚腸，咁當然要試下佢啦！焗魚腸嘅雞蛋唔會太老，外邊脆卜卜，入邊就嫩滑，魚腸處理得幾好，整體都整得唔錯。🍮蓮蓉西米焗布甸呢個傳統嘅甜品又係越嚟越少地方有，所以今次見到就即刻順便叫咗嚟試吓。呢度嘅焗布甸唔算好甜，個面少少燶都算有以前食過嘅味道，而家傳統菜式越來越少，真係要好好珍惜😆
容記第一咀其實即係椒鹽炸墨魚咀，粒粒都好似乒乓波咁大，而且炸漿又薄又脆。咬落去十分之juicy，十分推介！好多餐廳都有椒鹽尤魚鬚，但墨魚嘴就唔多餐廳有啦，所以有機會嚟呢度不如試下吓呢個炸墨魚咀。
🍲容記小炒王
容記小炒王係呢度嘅招牌菜之一，火喉同埋鑊氣都十足。大大隻蝦乾非常香口配埋韭菜嘅爽脆，係一道非常值得推介畀大家嘅菜式！
🥘海皇撈粉絲
海皇撈粉絲份量十足，講緊除咗粉絲多、切成絲嘅椰菜多，海鮮配料都非常多，有魷魚、蝦米同蝦等等，每夾一下都有好多海鮮。而且海皇撈粉絲係用煲仔上，十分之惹味同有鑊氣！
🐟焗魚腸
老老實實，小編其實好鐘意食焗魚腸，因為味道真係好惹味而且好好送飯。但香港地唔係好多餐廳有做焗魚腸，難得見到容記有焗魚腸，咁當然要試下佢啦！焗魚腸嘅雞蛋唔會太老，外邊脆卜卜，入邊就嫩滑，魚腸處理得幾好，整體都整得唔錯。
🍮蓮蓉西米焗布甸
呢個傳統嘅甜品又係越嚟越少地方有，所以今次見到就即刻順便叫咗嚟試吓。呢度嘅焗布甸唔算好甜，個面少少燶都算有以前食過嘅味道，而家傳統菜式越來越少，真係要好好珍惜😆
张贴
