I's Land Cafe (已結業)

下午同同事行完山後，又join朋友到觀塘短聚！之前都想黎試下，因為見介紹既相都幾靚！估唔到朋友又咁啱搵呢間！出電梯後就見到門口都好靚。門外已經有呢個背景，幾吸睛！因為設於工廈關係，所以地方都幾大！朋友未到，坐低後望下menu。可惜我下午食到好飽！所以自己只是叫左杯招牌水果茶！而朋友們就有食其他野。呢個係set餐。好似係三文魚魚柳沙律⋯⋯ 份量十足，唔似得普通既cafe 份量少少咁！朋友話味道都唔錯！餐包～另一個朋友就叫左份牛扒，同樣地都係好夠份量，不過朋友要七成熟，但我見似全熟多D呢個就係我既招牌水果茶，比我預期差左少少。⋯⋯可能我以為似 台灣咖啡X 果類的果茶呢杯味道好淡，雖然有水果粒粒，不過唔足以令到整杯好似飲緊果汁咁。側邊就附有一樽糖漿隨客人調味。