嚐囍煲仔小菜

其實之前嚐囍未攞米芝蓮推介時嘅夜晚已經好多人幫襯，但未至於要等好耐位，又試過業主要收回而最後又繼續續約；之前係得煲仔飯同小菜食，又唔知幾時轉咗做24小時之餘仲要有點心食，下午4點至6點應該落場時間。

朋友住附近，凌晨2點由佢帶我去呢度食宵夜，見到八成滿，好彩仲有細枱，我哋兩個都唔飲熱茶，同侍應講唔駛斟茶，茶錢照計，而佢係會收起隻啲茶杯，而且無收到茶錢，仲可以響便利店買凍飲。

叫了鮮蝦菜苗餃，$21、臘味糯米飽，$19、豉味蒸排骨，$21，唔知係咪因為太多客，所以等咗成30分鐘左右，不過傾下計好快就過。

鮮蝦菜苗餃

$21

鮮蝦菜苗餃，皮薄餡靚，蝦肉彈牙。

臘味糯米飽

$19

臘味糯米飽，已經唔係好多地方有呢款舊式點心食了，好有兒時感覺，一咬落去，熱辣辣，糯米飯夠煙韌，臘肉臘腸夠香口。

豉味蒸排骨

$19

豉味蒸排骨，肥瘦適中，水準之上，另外芋頭有炸過才蒸，吸哂啲味，正。

凌晨響西環食到呢啲質素點心，唔飲熱茶仲可以唔計茶錢(我強調要照收的)，都係$59，真心宵夜推介。