Bondi (已結業)

朋友喺荔枝角返工，放工約佢喺附近食飯傾下計。 佢介紹左呢間Bondi , 間野喺工廠大廈入面。第一次去呢d地方入面ge餐廳以為個地點會好難搵，估唔到又幾易搵到。先講下個環境，原來同我想像中完全唔同！ 地方闊絡裝修簡潔， 枱同枱之間又唔會太近， 加埋d燈光同枱上浪漫的蠟光，岩晒朋友傾計談心。侍應有禮貌咁介紹左今晚的推介，聽落唔錯。呢個係個set黎。首先係前菜的沙律配蕃茄加水牛芝士。蔬菜同蕃茄幾新鮮,仲有火箭菜。再黎係湯，揀左龍蝦湯。 個湯好有水準，creamy得黎又有濃濃的龍蝦味。上湯的時候, 侍應問要唔要黑椒，以為係比平時餐廳果d細細樽黑椒，點知原來係廚師用果d即磨黑椒,小事可以見到用心。主菜我選擇佐日式芝麻醬鮮魷意粉。日式芝麻醬配意粉幾新奇，食落更加有驚喜。意粉本身乾身唔會煮得太軟之餘上面又掛滿醬汁。食落去咸咸地甜甜地好醒胃得黎仲有芝麻香味，配埋彈牙ge鮮魷口感一流。飲品就叫左ice mocha。香滑咖啡味配上濃濃的朱古力加上面邪惡又滑溜的 cream， 絕對好飲過starbuck十萬倍。最後點少得甜品。荔枝味奶凍夠晒特別, 食落奶味適中唔太重，反而荔枝味真係好出, 欣賞佢唔太甜又好