熱狗の家 (已搬遷) 新店位置

大約一年前食過覺得幾好，今日叫咗個套餐($26)：和風熱狗+榛子架啡，另加$7有個小沙律。和風熱狗：條腸冇以前咁好食，比較林身，麵包依舊好味，熱辣辣，配料(有木魚、紫菜、燒汁等)都唔錯。榛子架啡：麻麻，應該係即溶架啡。沙律：有驚喜，個醋汁好醒胃惹味，蔬菜都新鮮，但份量只有一細杯，如原價$12就唔抵食。佢哋service好，選擇多，飲品又有健康嘅栗米汁同本地鮮奶供應，不錯。