魚治 (M88)

想食得好過去千両，又唔想食到Tokio Joe 咁豪，魚治就最啱 😌 居酒屋嘅格局，但座位又唔迫，坐得好舒服。午市套餐價錢由百幾蚊至300幾蚊不等，豐儉由人，有刺身又有熟食。不過，午市時段通常都好快坐滿，建議大家提前訂位。

試咗佢哋嘅炙燒海鮮丼定食，覺得最高CP係呢款🤗呢個套餐有4款炙燒刺身🐟🐠🦐，仲有鰻魚、蟹肉同溫泉蛋🦀🥚，食材好新鮮，刺身炙燒之後更加香！ 另外，套餐仲配有小食同埋麵豉湯，食完飲埋個麵豉湯就夠晒飽！總體嚟講，魚治嘅午市套餐加埋環境同服務性價比都算高。如果喺中環想搵個嘅地方食個happy lunch，呢度都係一個好選擇！