魚治 (M88)

营业中

休息中

請咗同事去吃生日快，M88 7/F 魚治，中環店好多美女幫襯，12：00walk in好彩仲有位，限時1小時交枱，就咁決定坐低，我必定要試鰻魚飯set+蘋果汁，杯蘋果汁大家真係要加錢買嚟飲，不是死甜，無渣，好滑口。主菜鰻魚飯好肥味囉...厚肉！唔會太油膩，飯吸收鰻魚汁味道，堅喺正到想吃多碗！

今日同朋友慶生，我哋揀咗一間喺中環嘅日本居酒屋。唔好睇佢門口好似好細，入面嘅位置都好闊落。🔹雞肉丸子豆腐豆乳鍋 $108呢個鍋好足料，豆乳味好濃郁，豆腐好滑，但夾起咗都唔會散開。雞肉丸子有三粒，佢係雞肉打出嚟嘅丸子，口感唔錯，另外仲有幾條嫩通菜，健康之餘又好味，值得推介😋🔹厚切牛舌 $108牛舌厚薄適中，今次佢唔係用檸檬汁做配搭，係配海鹽一齊食，可以食出牛舌嘅原味同嫩滑口感，正🤤🔹牛油炒雜菇 $68炒雜菇充滿着牛油味，菇嘅味道出晒嚟，而且好濕潤，值得推介🤤🔹鵝肝多士 $58鵝肝嘅油脂加埋多士嘅香脆口感，味道岩岩好😋唔會太膩🔹魷魚筒伴魷魚肝醬 $118一整條魷魚上碟，切開左一嚿嚿，厚度啱啱好👍🏻佢個醬勁重海鮮味，咸嘅，但同埋啲魷魚一齊食就更鮮🔹蘆筍 $48蘆筍略為普通，好爽脆，加鹽食就冇咁dry，有啲味道咁🔹禾稈草燒半熟鰹魚 (當日嘅是日精選)全日最好睇嘅一場禾稈草燒魚嘅show🎤當日8點店員熄晒燈話有表演睇。原來餐廳每日都有呢個show🥳當然我地即刻衝咗去前面睇。全場跟住店員嘅拍子嗌口號，大家嘅氣氛都好好👍🏻燒完之後店員會送俾每一枱食客品嚐再講講個禾稈草燒半熟鰹魚，外面係燒嘅入面係生嘅

通常約客食飯都係嚟M 88揀一間，我就鍾意食日本嘢，客人都係 可能因為健康啲？🤣今次就揀咗魚治，之前有食過一樓嗰間同埋花串，記得花正常普通，不過唔算太平 款式都冇呢間咁多！呢間餐廳無論係熟食，定係魚生都有勁多款選擇 Menu仲好得意選擇困難嘅我千萬選揀咗個刺身散嗌 同埋一個豚肉鍋 嗌咗兩份刺身原來就係得咁少 每樣一件，質素幾新鮮，拖羅好多筋。。。。可能因為呢個價錢138有七款 白鯽魚之中，我就比較鍾意鯛魚豚肉鍋嘅豬肉全部都係肥肉，甚至唔係肉咁滯都係肥膏。。。雖然新鮮但係真係太肥 我都冇乜肉落口 仲有半粒流心蛋同埋少量嘅洋蔥 金菇 豆腐香味唔好睇佢成個鍋好似好大個咁，其實極淺 不過有碗白飯一定食得飽嘅，如果食飯嘅～啲飯好靚珍珠米另外我哋仲加咗蘆筍同埋燒杏鮑菇，蘆筍有五件，杏鮑菇都係 會落少少油去燒好多醬汁啊雞翼$58兩隻 都貴不過無糖可樂仲貴要成$42 🤣🤣呢個燒雞腿餐好抵食，啖啖！ 甜品蕨餅幾好味，不過佢個前菜漬物真係超小😅😅😅呢個係同事嗰個燒刺身定食，好多三文魚子 不過好似都係三文魚為主做魚生冇蝦帶子 不是我杯茶見到隔籬個咖喱和牛丼都好香 整體而言服務質素好 環境暗少少，但係都唔錯

想食得好過去千両，又唔想食到Tokio Joe 咁豪，魚治就最啱 😌 居酒屋嘅格局，但座位又唔迫，坐得好舒服。午市套餐價錢由百幾蚊至300幾蚊不等，豐儉由人，有刺身又有熟食。不過，午市時段通常都好快坐滿，建議大家提前訂位。 試咗佢哋嘅炙燒海鮮丼定食，覺得最高CP係呢款🤗呢個套餐有4款炙燒刺身🐟🐠🦐，仲有鰻魚、蟹肉同溫泉蛋🦀🥚，食材好新鮮，刺身炙燒之後更加香！ 另外，套餐仲配有小食同埋麵豉湯，食完飲埋個麵豉湯就夠晒飽！總體嚟講，魚治嘅午市套餐加埋環境同服務性價比都算高。如果喺中環想搵個嘅地方食個happy lunch，呢度都係一個好選擇！

食過幾次野食唔錯，本身印象幾好，有介紹俾朋友，但今次真係體驗極差。訂位坐bar台無所謂，都知佢成日爆，但今日去到發現有人包左門口個位，夾埋差不多廿幾人聚會，仲要飲酒。坐係Bar台5分鐘，後面嘈到拆天，我本身都諗住多一事不如少一事，但問左服務員無位調，最終決定即走。唔知之後有無人坐bar台中伏。下次唔該有人搞活動講定聲，或者間個位出黎，好彩今次同朋友食飯，唔係business meeting。講明現場既staff態度唔錯，不過安排真係要改善下，唔係野食ok就咩都唔理呀。

第一次黎呢間中環分店，Lunch 都幾多日餐定食款式！（原來同金鐘嗰間嘅lunch menu唔同，亦都易book好多😂）最鍾意食set，夠方便一人份量。午餐人均大概$2-300，定價黎講少許進取～以我呢個和牛薄燒定食$328有少少筋位，亦因有少少overcooked致肉韌，並非完美，認真以呢個價位會expect更多，但overall都唔失禮嘅。坐得鬆動，服務唔算周到，不過食客要求下都算有即時回應。上次喺金鐘食晚餐廚師有表演添㗎！唔知呢度夜晚有冇呢？

Looking for a great place to hang out with friends, enjoy some drinks, and snack on tasty Japanese bites?  Uoharu is the spot! The menu is filled with creative dishes, with hand-drawn illustrations, and is very colourful.We tried a bunch of different items, starting with the Soft Boiled Egg with Salmon Roe Toppings. These are very classic ingredients in Japanese cuisine, not too bad but not too surprising! Next up was the Kagoshima A4 Wagyu Sando. The meat is juicy, worth a try!  Then came the R

閨蜜的慶生飯局，地點選在中環的魚治。很有藝術感的菜牌。點了三個招牌菜。先來兩位份量的鯷魚醬伴鮮野菜(每位$18)，熱著的自家製鯷魚醬，配以新鮮的青瓜、甘荀、蕃薯、西蘭花及車厘茄等，美味又有營養。炙燒味噌刺身他他($88)對窩夫來說很有新意，蘸些蛋汁，用紫菜包著味噌刺身他他來吃，十分滋味。滿足壽司($178)必須相機食先，飯卷上的海膽、蟹肉、三文魚籽和吞拿魚足料得叫人太滿足了，海膽和蟹肉都很鮮甜。限量發售的日式上湯玉子燒($68)切開時還冒煙，熱辣辣特別好吃。燒魷魚鬚($38)味道帶辣，火候控制得很好。燒山芋($48)一客三件，十分爽口。是日精選之一的燒竹簽魚(兩條$168)，上桌便聞到香味，魚味和肉質都不錯。明太子燒飯團($42)的飯團燒得外層香脆，明太子份量足，簡單美味。雞肉丸子豆腐豆乳鍋($108)最適合在寒冷的天氣下吃，四人分享剛好一人一碗，雞肉丸子應該是自家製的，水準之作。邊聊邊吃鹽味枝豆($42)，鹹味剛好，很快便吃光了。厚切牛舌($108)可能是窩夫吃過最嫩滑的牛舌。最後的甜品時間，點了兩個吉士布丁($38)，又香又滑，不會太甜。還點了特製抹茶雪糕三文治($58)，第一次吃

餐廳做到日本居酒屋嘅氛圍，侍應態度好，燈光都啱啱好。我同朋友happy hour嘢飲有買一送一，幾鍾意佢哋嘅梅酒同柚子酒，Menu好多選擇，樣樣都想試，叫左火炙燒呑拿魚，會現場燒比你幾得意，再加日本生蛋，和牛三文治都幾好食。另外叫咗個薯仔流心蛋，呢個都好食。刺身同壽司反而有d失望，唔係太新鮮，吞拿魚有少少腥，好一般。大約九點會有師傅表演燒魚，然後會請大家試食，味道都ok既，氣氛非常不錯，在場都有好多日本人黎食嘢。

Bookmark咗一段時間既和牛三文治名店，總算比我食到🥰食物質素非常不錯，餐廳好有日式氛圍，酒類happy hour時段仲有買一送一優惠，好啱同朋友聚餐🫶🏻❣️厚岸生蠔非常不得了，好rich好fresh，蠔味超濃！雖然細隻啲，但呢個size 48蚊價錢相當合理，食完一輪忍唔住encore！❣️和牛三文治❣️燒A4和牛❣️厚切牛舌和牛三文治唔錯，麵包脆口和牛軟嫩Juicy，但sauce略嫌重手，蓋過咗和牛既肉味。燒和牛反而有驚喜，燒得啱啱好有淡淡焦香，恰到好處既調味更帶出和牛香甜🥰牛舌就普通，有啲淡但口感不錯。❣️海膽三文魚籽mac & cheese好creamy好邪惡既mac & cheese，面頭焦焦地好香口，同三文魚籽海膽亦非常夾🫶🏻應該要加個額外海膽既option😂四個人好難分❣️櫻花蝦豆腐唐揚外脆內軟既櫻花蝦唐揚豆腐，口感輕盈又豐富。仲有蟹肉同三文魚籽做搭配，非常滿足🥰❣️和牛鵝肝壽喜燒和牛好高質，入口即化，配埋壽喜燒湯底食落仲有鮮甜既牛肉味😆鵝肝就唔係幾食到，懷疑我地煮太耐搞到溶咗😂❣️上湯玉子燒❣️蓮藕配松露鹽呢兩款小食就不過不失。作為小菜清清味蕾都係唔錯既選擇。❣️燒鰹魚免費小食超有驚喜！

朋友生日, 去咗中環M88呢間餐廳, 個氣氛暗暗地幾有feel, 職員勁nice, 知道係慶祝生日 仲教我揀邊個 dessert 可以放蠟燭同生日牌🎂🎉 啲嘢食都幾大份 飽到食都食唔晒 (女人都係眼闊肚窄) 到咗八點幾 突然間全間餐廳關晒燈 (仲以為停電添) 原來係即場燒魚嘅環節 全間餐廳嘅食客都好興奮沖晒出去睇 好有氣氛🔥🔥 餐廳仲好好咁每張枱送咗一份俾我哋添呀🎏 ✨滿足壽司 $178✨厚揚日本豆腐 $68✨味噌豚肉朴葉燒 $118✨男爵薯伴牛油及辛魷魚 $78✨銀鱈魚西京燒 $158✨蟹肉可樂餅土鍋飯 $188✨吉士布丁 $38

來自東京的日式海鮮居酒屋「魚治」使用來自日本豐州市場的新鮮漁穫，烹調出鮮味十足的海鮮料理。香港分店秉持日本總店「簡單就是美」的精神，並因應每天不同食材供應而改變菜單，確保食客能享用最滋味的美食澳洲和牛壽喜燒定食除左有澳洲和牛、仲有豆腐、洋蔥、紅蘿蔔等等既食材，壽喜燒湯係偏甜既派系，再加左雞蛋，味道唔錯究極海鮮丼定食有海膽、帶子、油甘魚、牡丹蝦、中拖羅、三文魚 & 魚籽既刺身，海鮮都新鮮的，份量亦都岩岩好每個set都附上味噌湯、前菜、沙律 & 甜品，中環黎講價錢合理，我地5個人安排了一間房卑我地，舒適又有私隱度，係一個中環食lunch唔錯既選擇

中環特色居酒屋🏮來自東京嘅過江龍居酒屋，無論食物定係服務同體驗都一流😍 每樣食物看似普通但係味道驚艷，所有野都好有驚喜！18:00-19:30 時段係happy hour，飲品買一送一，餐牌有多款飲品選擇，鍾意飲酒嘅朋友唔好錯過！我同友人就要左杯芒果味氣酒，味道清新👍🏻/蟹肉可樂餅土鍋飯 $188/鍋飯一打開味道超香，面頭有3塊巨型可樂餅😍打卡後侍應就會將可樂餅同埋飯拌好！入面仲有三文魚籽同埋本菇🥰 鍋飯非常濃味creamy， 每一啖都食到蟹肉，可樂餅外皮鬆脆有d 似冇咁硬嘅飯焦咁！/清酒煮蜆 $88/清酒煮蜆會一煲上，即刻係你面前煲🤣 侍應見到差唔多滾就會幫你攞走個煲蓋，之後就會見到d 蜆逐粒爆開🤣 味道鮮甜，每一粒蜆都好滑完全唔韌！/慢煮牛肋骨 $188/牛肋肉肉質非常軟熟，中間顏色粉嫩，加埋爽口洋蔥食口感豐富！/燒玉子/我食過數一數二最好食嘅燒玉子，見到餐牌係寫住限量供應，好彩有d 食🤣 燒玉子原條上好巨型😍 切開後入面熱辣辣，口感嫩滑，加埋白蘿蔔蓉又有另一番風味👌🏻/海膽三文魚籽mac & cheese $148/黎個Mac & Cheese 超邪惡，係滿滿嘅濃郁芝士，面頭燒到

好開心同事們帶我去了M88大廈，七樓的「魚治」。有位靚女同事向我們介紹這家日本魚料理餐廳，叫做Uoharu魚治。這間日式居酒屋一直以來都以新鮮的日本魚料理為主打。這家日式居酒屋裡，店內的裝潢充滿了日式傳統氛圍。尤其特別的是門口的低門簾，當你低頭進門的時候，彷彿穿越了時空，彷彿置身於日本之中。吧檯和座位都帶有濃厚的風味，而每張桌子都是一張四方形的大木桌，讓整個氛圍非常適合享用美食和聊天。我們坐下後，點了一份「銀鱈魚西京燒定食」、兩份「日替定食(每日限量供應) 燒魚定食」、一份「五日市豚肉壽喜燒定食」和一份「鹽燒雞腿肉定食」。整體而言，食物的呈現非常符合傳統的日式餐飲風格，銀鱈魚西京燒非常美味，味道也很不錯。而每日限量供應的定食則包含了新鮮的魚生、三文魚腩、吞拿魚和沙拉，再加上魚的鰓部位燒得鮮甜脆口，還有一碗麵豉湯和一份糯米糍作為甜點。我的男同事點了一份鹽燒雞腿肉，這道菜的呈現非常精美，而且味道非常濃郁，能夠突顯居酒屋燒烤的特色。另一位同事則點了壽喜燒，這道菜的呈現也非常漂亮，中間還有一顆流心蛋，還有洋蔥和豆腐的煲，整體呈現非常精美。值得一提的是，由於午餐時間從中午12點開始，所以很多人都

之前想食但full booking今次一早book 定位～🥳有好幾款lunch set有刺身，魚生丼，同熟食，岩哂唔同喜好✍🏻五日市豚肉壽喜燒定食 $165跟餐有湯有沙律同甜品壽喜燒鍋內有豚肉，豆腐，半隻糖心蛋，金菇，洋蔥同粉絲豚肉份量都夠既，最開心係有粉絲，粉絲浸滿壽喜燒湯，甜甜的好入味其實配料唔算多，多返啲菇同菜更好✍🏻炙燒海鮮丼定食 $198竟然有半隻糖心蛋，賣相尚算吸引，份量都夠刺身有蝦，帶子，三文魚同鰻魚，新鮮爽口炙燒後更加香口✍🏻燒汁澳洲和牛定食 $165賣相同味道正常發揮中環日本菜黎講性格比唔高不過環境舒適，無限時，適合吹水