Ruby Tuesday (已結業)

因為個fd有張6折coupon就到期，所以就約多個fd一齊食喇！好彩有book位，所以一去到就有得入座。Ruby D野食係美式菜，所以好鬼大份，我地3個女仔都唔敢叫太多住~"Chocolate milkshake"：其實係唔知咩oreo+banana既chocolate milkshake，佢有兩隻size，我地就叫左mega size 3個share。都幾好飲，好香banana味，又唔會太甜，milkshake打成碎冰，消暑一流！"Spaghetti Carbonara"：非常好食，個蛋黃芝士汁夠杰身，好creamy；意粉煮得剛剛好，唔會太淋或太硬，配埋D煙肉食真係一流！「小食拼盤」：有炸蝦球、炸雞胸條同rib，兩款炸物都炸得幾乾身，唔會好油，點埋酸甜醬或芥末醬仲開胃；個rib好淋，亦醃得好入味。薯菜係焗薯拼烚西蘭花，無咩特別。"Mini Trio"：三小件迷你漢堡，分別係夾住牛肉、豬肉同免治雞肉。我淨係試左雞，都好厚身同juicy，伴碟D薯條就炸得耐左，搞到好硬。雖然唔多野食，但都食到好飽，本身想叫埋個招牌tallcake都唔敢了。埋單時用埋張6折coupon，結果每人都要$220